ەلورداداعى نازارباەۆ ورتالىعىندا تاۋەلسىزدىكتىڭ اۋەلسىزدىكتىڭ 30 جىلدىعىنا ارنالعان عىلىمي پراكتيكالىق كونفەرەنتسيا ءوتىپ جاتىر.
كونفەرەنتسيا قر پارلامەنتى ءماجىلىسىنىڭ توراعاسى نۇرلان نىعماتۋلينىڭ بايانداماسىمەن اشىلدى.
«تاۋەلسىزدىك كوپ ەلدەر ءۇشىن اسقاق ارمان. ءبىزدىڭ بابالارىمىز عاسىرلار بويى اڭساعان وسى ارمانىنىڭ ورىندالعانىنا بيىل 30 جىل تولىپ وتىر. وسى 30 جىلدىڭ ءاربىر بەلەسى ءبىز ءۇشىن قايتالانباس تاريح. ال تاريحتى ارقاشان دا ۇلى تۇلعالار جاسايتىنى بەلگىلى. تەك ۇلى تۇلعالار عانا جاڭا مەملەكەتتى قالىپتاستىرىپ، ونىڭ وركەنيەتىن قامتاماسىز ەتەتىن ۇلكەن قادامدار جاسايدى. مۇنداي تۇلعالار ۋاقىت وتكەن سايىن بيىكتەپ، تەك ءبىر ۇلتتىڭ عانا ەمەس، بۇكىل الەمنىڭ دانا، كورەگەن ساياساتكەرىنە اينالادى. ءدال وسىنداي ۇلى تۇلعا ول قازاقستاننىڭ تۇڭعىش پرەزيدەنتى-ەلباسى نۇرسۇلتان ءابىشۇلى نازارباەۆ»، - دەدى ءماجىلىس سپيكەرى.
ونىڭ ايتۋىنا قاراعاندا، بۇگىندە ەلباسى جانە تاۋەلسىزدىك دەگەن سوزدەر ءبىر ۇعىمعا اينالدى.
«بۇگىندە قازاقستاندىقتار ەگەمەن ەلىمىزدىڭ كەڭ بايتاق دالاسى عانا ەمەس، سونىمەن بىرگەن نۇرسۇلتان ءابىشۇلىنداي داناسى بار ەكەنىن ماقتانىشپەن ايتادى. قازىردە ەلباسى جانە تاۋەلسىزدىك دەگەن سوزدەر قاتار ايتىلىپ، ءبىر ۇعىمعا اينالدى.
بارشاڭىز جاقسى بىلەسىزدەر، تاۋەلسىزدىكتىڭ العاشقى جىلدارى بارىمىزگە وڭاي بولعان جوق. 70 جىل بويى بيلىك جۇرگىزگەن كەڭەس وداعى تاراعاننان كەيىن ءبىزدىڭ حالقىمىزدىڭ جاعدايى وتە اۋىر بولدى. سول كەزدە بارلىق ءوندىرىس جانە زاۋىت، فابريكالار توقتاپ، كولحوز، سوۆحوزدار تاراپ، مىڭداعان ازامات جۇمىسسىز قالدى»، - دەگەن نۇرلان نىعماتۋلين بىرنەشە اي بويى ەڭبەكاقى، ستيپەنديا جانە باسقا دا تولەمدەر بەرىلمەگەن كەزدەر بولعانىن ەسكە الدى.
