شىمكەنت كالاسى ءال-فارابي اۋدانىنىڭ اكىمى راشيد مىڭباەۆ @akimat_shymkent ينستاگرام پاراقشاسىندا تىكەلەي ەفيردە سۇقبات بەردى. اۋدان اكىمى 2021 جىلى جۇزەگە اسقان جۇمىستاردى بايانداپ، تۇرعىندار ساۋالىنا جاۋاپ بەردى.
ر.مىڭباەۆ ەفير بارىسىندا ينفراقۇرىلىممەن قامتۋ، سانيتارلىق تازالىق، سپورت الاڭشالارىنىڭ قۇرىلىس جۇمىستارىنىڭ بارىسى، ت.ب.، سالالاردا اتقارىلعان جۇمىستاردى اتاپ ءوتتى.
اۋداننىڭ دامۋى بەلگىلەنگەن 7 باعىت نەگىزىندە جۇزەگە اسۋدا. ءبىرىنشى كەزەكتە اۋداننىڭ سانيتارلىق تازالىعى 7 سەكتورعا ءبولىنىپ، جۇمىستار كەستەگە ساي جۇرگىزىلۋدە.
بۇقارالىق سپورتتى دامىتۋ ماقساتىندا 25 اۋلاعا سپورت الاڭشالارىن ورناتۋ جۇمىستارى اتقارىلدى. ودان وزگە، دەمەۋشىلەر ەسەبىنەن 6 اشىق سپورت الاڭشاسى پايدالانۋعا بەرىلدى. 2021 جىلى حالىق يگىلىگىنە جالپى 31 جاڭا سپورت الاڭشاسى پايدالانۋعا تاپسىرىلدى. مەجە جوسپاردان ارتىق ورىندالىپ وتىر. 2021 جىلى 25 سپورت الاڭشاسىنىڭ قۇرىلىسىن جۇرگىزۋ جوسپارلانعان بولاتىن.
2021 جىلى جوسپارعا سايكەس، اۋدان اۋماعىندا 27 كوپقاباتتى تۇرعىن ءۇيدىڭ اۋلالارىندا اباتتاندىرۋ جانە بالالار ويىن الاڭشالارىن ورناتۋ جۇمىستارى جوسپارعا سايكەس جۇرگىزىلۋدە. 2022 جىلى بيۋدجەت ەسەبىنەن 50 اۋلانى اباتتاندىرۋ بويىنشا بيۋدجەتتىك ءوتىنىم ەنگىزىلدى.
ءال-فارابي اۋدانى قالانىڭ ورتالىق اۋدانى بولعاندىقتان، تۇرعىنداردى اۋىز سۋ، تابيعي گاز جانە ەلەكتر قۋاتىمەن قامتۋ كورسەتكىشى 99,7 %-دى قۇراپ وتىر. بيىل قازان ايىندا «ساۋلە» شاعىناۋدانى 276 ورامدى تابيعي گازبەن قامتاماسىز ەتۋ بويىنشا «حمسۋ شىمكەنت مەليوراتسيا» جشس-ءى تاراپىنان قۇرىلىس جۇمىستارى باستالدى. قۇرىلىس جۇمىستارى 2022 جىلعا وتپەلى.
سونداي-اق، اۋدانعا بيىل 25 ملرد تەڭگە ينۆەستيتسيا تارتىلىپ، تولىق يگەرىلدى.
شىمكەنت قالاسى اكىمدىگىنىڭ ءباسپاسوز قىزمەتى
