شىمكەنتتە 238 ءسابي تاۋەلسىزدىك كۇنىنە وراي ء"سۇيىنشى" سىيلىق بوكستارىن الدى

3146

شىمكەنتتە مەرەكە كۇندەرى 238 ءسابي دۇنيەگە كەلدى. قر تاۋەلسىزدىگىنىڭ 30 جىلدىعىنا وراي ولاردىڭ انالارىنا ء"سۇيىنشى" اتتى ەستەلىك بەبي-بوكستار تابىس ەتىلدى.

«ءسۇيىنشى» سىيقورابىنا بوبەكتەرگە قاجەتتى زاتتاردان باسقا قر پرەزيدەنتى قاسىم-جومارت توقاەۆتىڭ قۇتتىقتاۋ تىلەگى جازىلعان اشىق حات، "تاۋەلسىز قازاقستانعا 30 جىل" مونەتاسى مەن بالانىڭ تۋى تۋرالى كۋالىگى سالىنعان.
«اينالايىن، بوبەك! سەنىڭ تۋعان كۇنىڭ ەلىمىزدىڭ ەڭ باستى مەرەكەسىمەن تۇسپا-تۇس كەلدى. ءوزىڭ دۇنيە ەسىگىن اشقان كەزدە حالقىمىز قاستەرلى تاۋەلسىزدىگىنىڭ 30 جىلدىعىن اتاپ ءوتىپ جاتتى. ساعان باقىتتى ءارى ۇزاق عۇمىر تىلەيمىن!»، - دەپ جازىلعان پرەزيدەنتتىڭ قۇتتىقتاۋىندا.
ء"بىزدىڭ قىزمەتكەرلەر 16 جانە 17 جەلتوقساندا جۇمىس ىستەدى جانە احاج وكىلدەرىمەن بىرلەسىپ ءاربىر ءسابي ومىرىندە ءوزىنىڭ العاشقى قۇجاتىن الۋى ءۇشىن پەرزەنتحانالاردا قۇجاتتاردى قابىلدادى. وسى كەزەڭدە شىمكەنت قالاسىندا بارلىعى 238 ءسابي دۇنيەگە كەلدى، ونىڭ ىشىندە 3 ەگىز. احاج ارىپتەستەرىنە تۋ تۋرالى كۋالىكتەردى رەسىمدەگەنى ءۇشىن، "قازپوشتا" قىزمەتكەرلەرىنە بەبي-بوكستاردى جەتكىزگەنى ءۇشىن جانە بارلىق دارىگەرلەرگە ولاردىڭ قاجىرلى ەڭبەگى ءۇشىن العىس ايتقىم كەلەدى", - دەدى "ازاماتتارعا ارنالعان ۇكىمەت" مەملەكەتتىك كورپوراتسياسى شىمكەنت قالاسى بويىنشا فيليال ديرەكتورى دانابەك يسابەكوۆ.

"بەبي-بوكستار اتا - انالاردىڭ قالاۋى بويىنشا پەرزەنتحانالارعا نەمەسە مەكەنجايى بويىنشا جەتكىزىلەدى", - دەپ حابارلادى "قازپوشتا" اق شىمكەنت قالاسى بويىنشا فيليال ديرەكتورى ەربولات سادىرباەۆ.

ايتا كەتۋ كەرەك، «ءسۇيىنشى» سىيقوراپتارى قر تسيفرلىق دامۋ، يننوۆاتسيالار جانە اەروعارىش مينيسترلىگى «ازاماتتارعا ارنالعان ۇكىمەتپەن بىرگە جانە قر ۇلتتىق بانك، تسەنتركرەديت بانكى جانە «قازپوشتا» اق قاتىسۋىمەن ۇيىمداستىرىلدى.


پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket