بۇگىن ءال-فارابي اۋدانى اكىمدىگىندە ەل تاۋەلسىزدىگىنىڭ 30 جىلدىعىنا وراي مەرەكەلىك جيىن بولىپ ءوتتى.
اۋدان اكىمى ر. مىڭباەۆ سالتاناتتى جيىنعا قاتىسۋشىلاردى تاۋەلسىز ەلىمىزدىڭ باستى مەرەكەسىمەن قۇتتىقتادى. ول ءوز سوزىندە اۋدان اكىمدىگىنىڭ باستى ماقساتى تۇرعىنداردىڭ ءومىر ساپاسى مەن تۇرمىستىق دەڭگەيىن كوتەرۋ جانە بىرلەسە جۇمىس اتقارۋ ارقىلى قالامىزدى ودان دا جايلى ەتە ءتۇسۋ كەرەك ەكەندىگىن ناقتىلادى.
«وسى باعىتتا ايانباي ەڭبەك ەتىپ، كەڭ بايتاق ەلىمىزدىڭ دامۋ جولىندا اسقاق ارماندار مەن باتىل جوسپارلاردى جۇزەگە اسىرۋعا سەپتىگىن تيگىزىپ جۇرگەن بىرقاتار ازاماتتاردى قازاقستان رەسپۋبليكاسى پرەزيدەنتىنىڭ 2021 جىلعى 2 جەلتوقسانداعى جارلىعىمەن «قازاقستان تاۋەلسىزدىگىنە 30 جىل» مەرەكەلىك مەدالىمەن ناگرادتاۋعا رۇقسات ەتىڭىزدەر. بىرلىگىمىز بەكەم، تاۋەلسىزدىگىمىز تۇعىرلى بولسىن!» - دەگەن اۋدان باسشىسى ءبىلىم، مەديتسينا، مادەنيەت، سپورت، الەۋمەتتىك جانە تازالىق سالالارىنا ەلەۋلى ەڭبەك ءسىڭىرىپ جۇرگەن اۋدان تۇرعىندارىنا مەرەكەلىك مەدالدارىن تابىستادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
