تاشكەنتتە وتكەن سەناتتىڭ 22-وتىرىسىندا ەڭ ءىرى ايداركول كولىنىڭ قۇرعاپ قالۋ ماسەلەسى كوتەرىلدى. بۇگىنگى تاڭدا كولدى ساقتاپ قالۋ ءۇشىن ءتۇرلى جوبالار ىسكە اسىرىلۋدا، الايدا ناتيجە از.
كولدىڭ كولەمى 1994-2000 جىلدارى 44,1 ملرد كۋب مەتر سۋدى قۇراسا، 2013-2021 جىلدارى 37,7 ملرد كۋب مەتردى قۇراعان. كولدىڭ سۋىنىڭ ازايۋى سەبەبى شاردارا سۋ قويماسىنان كولگە قۇياتىن وزەندەرگە سۋ كوزىنىڭ تىم از بەرىلۋى ەكەن. سوڭعى ون جىلدا كولدىڭ دەڭگەيى 2 مەترگە تومەندەگەن. كەي ايماقتا كول سۋى جاعاجايدان 15-50 مەترگە دەيىن تارتىلعان.
ايداركول وزبەكستانداعى ەڭ ۇلكەن كول سانالادى. ول قىزىلقۇم ماڭىنداعى جاۋھار دەپ اتالادى جانە كوپتەگەن جەرگىلىكتى تۋريستەردىڭ كەلۋىنە سەبەپكەر. كسرو كەزەڭىندە اۋىل شارۋاشىلىعىنا بايلانىستى كول سۋى پايدالانىلعان.
"ادىرنا" ۇلتتىق پورتالى
