Tashkentte ótken Senattyń 22-otyrysynda eń iri Aıdarkól kóliniń qurǵap qalý máselesi kóterildi. Búgingi tańda kóldi saqtap qalý úshin túrli jobalar iske asyrylýda, alaıda nátıje az.
Kóldiń kólemi 1994-2000 jyldary 44,1 mlrd kýb metr sýdy qurasa, 2013-2021 jyldary 37,7 mlrd kýb metrdi quraǵan. Kóldiń sýynyń azaıýy sebebi Shardara sý qoımasynan kólge quıatyn ózenderge sý kóziniń tym az berilýi eken. Sońǵy on jylda kóldiń deńgeıi 2 metrge tómendegen. Keı aımaqta kól sýy jaǵajaıdan 15-50 metrge deıin tartylǵan.
Aıdarkól Ózbekstandaǵy eń úlken kól sanalady. Ol Qyzylqum mańyndaǵy jaýhar dep atalady jáne kóptegen jergilikti týrısterdiń kelýine sebepker. KSRO kezeńinde aýyl sharýashylyǵyna baılanysty kól sýy paıdalanylǵan.
"Adyrna" ulttyq portaly
