قاراعاندى ورتالىعىندا جارنامالىق تۋمبالار مەن بيلبوردتاردا اباي قۇنانباەۆ پەن شوقان ءۋاليحانوۆتىڭ پورترەتتەرىن كورۋگە بولادى.
وسىلايشا، جارنامالىق اگەنتتىكتەردىڭ ءبىرىنىڭ باسشىسى قالا تۇرعىندارىنىڭ نازارىن ادەبيەت پەن تاريحقا اۋدارۋدى ءجون كورگەن. بۇل تۋرالى قاراعاندى وبلىسى اكىمدىگىنىڭ رەسمي سايتىندا ايتىلدى.
اتاپ وتىلگەندەي، كەلەشەكتە قالا كوشەلەرىندە باسقا دا تاريحي قايراتكەرلەردىڭ پورترەتتەرى مەن گيوتە، لەرمونتوۆ جانە ابايدىڭ ولەڭ شۋماقتارى جازىلعان جارنامالىق تاقتالار پايدا بولادى.
«بۇل تاربيەلىك ءمانى بار ءىس-ارەكەت. بالا بيلبوردتاعى سۋرەتتى كورىپ، ونىڭ كىم ەكەنىن سۇراۋى ابدەن مۇمكىن.
سول كەزدە ەرەسەكتەر ابايدىڭ كىم ەكەنىن، ونىڭ شىعارمالارى تۋرالى ايتىپ بەرەدى. بۇل، بالانىڭ ادەبيەت پەن تاريحقا دەگەن قىزىعۋشىلىعىن تۋدىرادى»، - دەيدى جارناما اگەنتتىگىنىڭ باسشىسى اسقار قاراشولاقوۆ.
ونىڭ ايتۋىنشا، ءبىر پورترەتتى ورنالاستىرۋ شاشامەن 35 مىڭ تەڭگەنى قاجەت ەتەدى.
الداعى ۋاقىتتا ولاردىڭ ورنىنا قايتادان جارنامالار ءىلىنۋى مۇمكىن.
inform.kz
