Qaraǵandy ortalyǵynda jarnamalyq týmbalar men bılbordtarda Abaı Qunanbaev pen Shoqan Ýálıhanovtyń portretterin kórýge bolady.
Osylaısha, jarnamalyq agenttikterdiń biriniń basshysy qala turǵyndarynyń nazaryn ádebıet pen tarıhqa aýdarýdy jón kórgen. Bul týraly Qaraǵandy oblysy ákimdiginiń resmı saıtynda aıtyldy.
Atap ótilgendeı, keleshekte qala kóshelerinde basqa da tarıhı qaıratkerlerdiń portretteri men Gıote, Lermontov jáne Abaıdyń óleń shýmaqtary jazylǵan jarnamalyq taqtalar paıda bolady.
«Bul tárbıelik máni bar is-áreket. Bala bılbordtaǵy sýretti kórip, onyń kim ekenin suraýy ábden múmkin.
Sol kezde eresekter Abaıdyń kim ekenin, onyń shyǵarmalary týraly aıtyp beredi. Bul, balanyń ádebıet pen tarıhqa degen qyzyǵýshylyǵyn týdyrady», - deıdi jarnama agenttiginiń basshysy Asqar Qarasholaqov.
Onyń aıtýynsha, bir portretti ornalastyrý shashamen 35 myń teńgeni qajet etedi.
Aldaǵy ýaqytta olardyń ornyna qaıtadan jarnamalar ilinýi múmkin.
inform.kz
