نۇرلان نىعماتۋلين تاۋەلسىزدىكتىڭ 30 جىلدىعىنا وراي ماجىلىسمەندەرگە مەمناگرادالار تاپسىردى

779
Adyrna.kz Telegram

تاۋەلسىزدىكتىڭ 30 جىلدىق مەرەكەسىنە وراي، ءماجىلىس توراعاسى نۇرلان نىعماتۋلين دەپۋتاتتار مەن اپپارات قىزمەتكەرلەرىنە پرەزيدەنت جارلىعىمەن بەرىلگەن مەملەكەتتىك ناگرادالاردى تاپسىردى، دەپ حابارلايدى قازاقپارات تومەنگى پاالاتانىڭ ءباسپاسوز قىزمەتىنە سىلتەمە جاساپ.

ءماجىلىس سپيكەرى دەپۋتاتتىق كورپۋستى تاۋەلسىزدىكتىڭ 30 جىلدىعىمەن قۇتتىقتاي وتىرىپ، قازاقستاننىڭ وسى جىلدارداعى بارلىق تابىستارى مەن جەتىستىكتەرى بارشا قازاقستاندىقتاردىڭ ەڭبەگىنىڭ جانە ەل باسشىلىعىنىڭ ستراتەگيالىق باستامالارىن ىسكە اسىرۋدىڭ ناتيجەسى ەكەنىن اتاپ ءوتتى.

بۇل ەڭ الدىمەن، تۇڭعىش پرەزيدەنتىمىز، ەلباسى نۇرسۇلتان ءابىشۇلى نازارباەۆتىڭ ەرەن ەڭبەگىنىڭ، سونىمەن بىرگە، ارقاشاندا پرەزيدەنتىمىزگە تىرەك بولىپ، قولداۋ ءبىلدىرىپ كەلە جاتقان حالقىمىزدىڭ بەرەكە-بىرلىگىنىڭ جەمىسى. قازىرگى ۋاقىتتا مەملەكەت باسشىسى قاسىم-جومارت كەمەلۇلى توقاەۆ وسى تولاعاي تابىستارىمىزدى ساقتاپ، ستراتەگيالىق دامۋ باعىتىن ودان ءارى جالعاستىرىپ كەلەدى، - دەدى نۇرلان نىعماتۋلين.

سونىمەن قاتار، ءماجىلىس توراعاسى ەلىمىز تاريحىمەن بىرگە كەلە جاتقان پارلامەنتتىڭ، ونىڭ دەپۋتاتتارىنىڭ دا قوسىپ جاتقان ۇلەسى وتە زور ەكەنىن اتاپ ءوتتى. مەملەكەتتىك جانە قوعامدىق قىزمەتتەگى ەڭبەگى، ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن I دارەجەلى «بارىس» وردەنىمەن ءماجىلىس دەپۋتاتى داريعا نازارباەۆا، III دارەجەلى «بارىس» وردەنىمەن بەكبولات تىلەۋحان ماراپاتتالدى. ءماجىلىس توراعاسى «پاراسات» وردەنىن امانعالي بەردالينگە، امانجان جامالوۆقا، يرينا سميرنوۆاعا جانە باقىتبەك سماعۇلعا تابىستادى.

 

پىكىرلەر