قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىنا سايكەس، قر پرەمەر-ءمينيسترى اسقار مامين تاۋەلسىزدىكتىڭ 30 جىلدىعىنا وراي ەڭبەك ارداگەرلەرىنە، مينيسترلىكتەر مەن ۆەدومستۆولاردىڭ، ۇلتتىق كومپانيالاردىڭ قىزمەتكەرلەرىنە، سونداي-اق ىسكەرلىك ورتا وكىلدەرىنە قازاقستاننىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن مەملەكەتتىك ناگرادالاردى تابىستادى، دەپ حابارلايدى قازاقپارات ۇكىمەت باسشىسىنىڭ رەسمي سايتىنا سىلتەمە جاساپ.
«تاۋەلسىزدىكتىڭ 30 جىلدىعى – قازاقستان تاريحىنداعى ايتۋلى كۇن. تاۋەلسىزدىك – مەملەكەتتىلىكتىڭ بەرىك نەگىزى، ەركىندىكتىڭ، تۇراقتىلىقتىڭ جانە ۇلتارالىق كەلىسىمنىڭ سيمۆولى. ءبىزدىڭ تاۋەلسىزدىگىمىز ءاربىر قازاقستاندىقتىڭ ءوز ەلى مەن جەرىنىڭ يگىلىگى ءۇشىن اتقارعان قاجىرلى ەڭبەگىمەن، ارقايسىمىزدىڭ دامىعان جانە قۋاتتى مەملەكەتتە ءومىر سۇرۋگە دەگەن ۇمتىلىسىمىزدىڭ ارقاسىندا نىعايا تۇسەدى»، — دەدى ا. مامين سالتاناتتى جيىندا سويلەگەن سوزىندە.
ۇكىمەت باسشىسى قر تۇڭعىش پرەزيدەنتى – ەلباسى نۇرسۇلتان نازارباەۆتىڭ باسشىلىعىمەن تاۋەلسىزدىكتىڭ 30 جىلى ىشىندە قازاقستاندا ماڭىزدى ساياسي جانە الەۋمەتتىك-ەكونوميكالىق رەفورمالار تابىستى جۇرگىزىلگەنىن اتاپ ءوتتى. مەملەكەت باسشىسى قاسىم-جومارت توقاەۆ ەكونوميكانى دامىتۋعا، حالىقتىڭ ءال-اۋقاتى مەن تۇرمىس ساپاسىن ارتتىرۋعا، ەلدەگى بەيبىتشىلىك پەن قوعامدىق كەلىسىمدى ساقتاۋعا باعىتتالعان ستراتەگيالىق باعىتتى تابىستى جۇزەگە اسىرىپ كەلەدى. I دارەجەلى «بارىس» وردەنىمەن ەڭبەك ارداگەرى نىعماتجان ەسەنعارين، III دارەجەلى «بارىس» وردەنىمەن قازاقستان قارجىگەرلەرى قاۋىمداستىعى كەڭەسىنىڭ توراعاسى ەلەنا باحمۋتوۆا ماراپاتتالدى.
«پاراسات» وردەنىمەن دەنساۋلىق ساقتاۋ ۆيتسە-ءمينيسترى جاندوس بۇركىتباەۆ، ساۋدا جانە ينتەگراتسيا ۆيتسە-ءمينيسترى جانەل كۇشىكوۆا، توتەنشە جاعدايلار ۆيتسە-ءمينيسترى مەرەكە پىشەمباەۆ، يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس ءىسى جانە تۇرعىن ءۇي-كوممۋنالدىق شارۋاشىلىعى كوميتەتىنىڭ توراعاسى تيمۋر قاراعويشين، «قازمۇنايگاز» ۇك» اق باسقارما توراعاسىنىڭ ورىنباسارى دانيار تيەسوۆ، «قازاتومونەركاسىپ» ۇاك» اق باسقارماسىنىڭ ەكس-توراعاسى عالىمجان ءپىرماتوۆ، قازاقستان اۆتوبيزنەس قاۋىمداستىعىنىڭ پرەزيدەنتى اندرەي لاۆرەنتەۆ، «قازاقتەلەكوم» اق باسقارما توراعاسىنىڭ كەڭەسشىسى سايلاۋحان رايىمبەكوۆ ماراپاتتالدى. II دارەجەلى «دوستىق» وردەنى «سينە ميداس ستروي» جشس باس ديرەكتورى احمەت بۋدانعا، «Kazpi.KZ» اق باسقارما توراعاسى ميحايل لومتادزەگە، «پرومماشكومپلەكت» جشس دامىتۋ جونىندەگى ديرەكتورى سەرگەي پاۆلينگەرگە، «توديني تسەنترال ازيا» جشس ديرەكتورى فابيو المانوعا، «السيم الاركو ساناي تەسيسلەري ۆە تيدجارەت» اق ۆيتسە-پرەزيدەنتى ابباس شاحينعا بەرىلدى.
