سەناتتا تاۋەلسىزدىك كۇنىنە وراي سالتاناتتى جيىن ءوتتى

200

قازاقستان رەسپۋبليكاسى تاۋەلسىزدىگىنىڭ 30 جىلدىعى قارساڭىندا سەنات توراعاسى ماۋلەن اشىمباەۆ سەناتورلار مەن پالاتا اپپاراتىنىڭ قىزمەتكەرلەرىنە مەملەكەتتىك ماراپاتتاردى تابىس ەتتى، دەپ حابارلايدى "ادىرنا" ۇلتتىق پورتالى جوعارى پالاتانىڭ ءباسپاسوز قىزمەتىنە سىلتەمە جاساپ.

سەنات توراعاسى سالتاناتتى جيىن بارىسىندا قاتىسۋشىلاردى تاۋەلسىزدىك كۇنىمەن قۇتتىقتاپ، ەلىمىزدىڭ وتكەن كەزەڭدەگى باستى جەتىستىكتەرىنە توقتالدى. ماۋلەن اشىمباەۆ مەملەكەتتىڭ زاڭنامالىق بازاسىن نىعايتۋ بويىنشا اتقارىلعان جۇمىستار تۋرالى دا ايتتى.

«قازاقستان ەلباسى ساياساتىنىڭ ارقاسىندا تاۋەلسىزدىك جىلدارىندا ەلەۋلى تابىستارعا قول جەتكىزدى. بيلىكتىڭ ساباقتاستىعى بىزگە قول جەتكىزگەن جەتىستىكتەرىمىزدى ساقتاۋعا جانە ودان ءارى وركەندەي بەرۋگە مۇمكىندىك بەردى. سەنات بۇگىنگى تاڭدا پرەزيدەنتىمىزدىڭ ەلىمىزدى جاڭعىرتۋ باعدارىن زاڭنامالىق قولداۋ تۇرعىسىندا بەلسەندى جۇمىس ىستەپ كەلەدى»، - دەدى ماۋلەن اشىمباەۆ.

سەنات دەپۋتاتتارىنان پالاتا توراعاسىنىڭ ورىنباسارى نۇرلان ءابدىروۆ – ءىىى دارەجەلى «بارىس» وردەنىمەن، پالاتا توراعاسىنىڭ ورىنباسارى اسقار شاكىروۆ، سەناتورلار داۋرەن ادىلبەكوۆ، نۇرلان بەكنازاروۆ، نۇرتورە ءجۇسىپ، ساعىندىق لۇقپانوۆ پەن ابدالى نۇراليەۆ – «پاراسات» وردەنىمەن، ولگا بۋلاۆكينا مەن ءلاززات رىسبەكوۆا – «قۇرمەت» وردەنىمەن ماراپاتتالدى.

سەنات اپپاراتى قىزمەتكەرلەرىنەن ءبولىم مەڭگەرۋشىلەرى كانالبەك رايىمبەكوۆ، نيكولاي تۋرەتسكي «قۇرمەت» وردەنىمەن، ءبولىم مەڭگەرۋشىسىنىڭ ورىنباسارى ەربول ءابدىراسىلوۆ – «ەرەن ەڭبەگى ءۇشىن» مەدالىمەن، باس كونسۋلتانتتار ەلميرا مۇحامەتجانوۆا جانە بولات ومار قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى.

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket