Qazaqstan Respublikasy Täuelsızdıgınıŋ 30 jyldyǧy qarsaŋynda Senat Töraǧasy Mäulen Äşımbaev senatorlar men Palata Apparatynyŋ qyzmetkerlerıne memlekettık marapattardy tabys ettı, dep habarlaidy "Adyrna" ūlttyq portaly joǧary palatanyŋ baspasöz qyzmetıne sılteme jasap.
Senat Töraǧasy saltanatty jiyn barysynda qatysuşylardy Täuelsızdık künımen qūttyqtap, elımızdıŋ ötken kezeŋdegı basty jetıstıkterıne toqtaldy. Mäulen Äşımbaev memlekettıŋ zaŋnamalyq bazasyn nyǧaitu boiynşa atqarylǧan jūmystar turaly da aitty.
«Qazaqstan Elbasy saiasatynyŋ arqasynda Täuelsızdık jyldarynda eleulı tabystarǧa qol jetkızdı. Bilıktıŋ sabaqtastyǧy bızge qol jetkızgen jetıstıkterımızdı saqtauǧa jäne odan ärı örkendei beruge mümkındık berdı. Senat bügıngı taŋda Prezidentımızdıŋ elımızdı jaŋǧyrtu baǧdaryn zaŋnamalyq qoldau tūrǧysynda belsendı jūmys ıstep keledı», - dedı Mäulen Äşımbaev.Senat deputattarynan Palata Töraǧasynyŋ orynbasary Nūrlan Äbdırov – III därejelı «Barys» ordenımen, Palata Töraǧasynyŋ orynbasary Asqar Şäkırov, senatorlar Däuren Ädılbekov, Nūrlan Beknazarov, Nūrtöre Jüsıp, Saǧyndyq Lūqpanov pen Abdaly Nūraliev – «Parasat» ordenımen, Olga Bulavkina men Läzzat Rysbekova – «Qūrmet» ordenımen marapattaldy. Senat Apparaty qyzmetkerlerınen bölım meŋgeruşılerı Kanalbek Raiymbekov, Nikolai Tureskii «Qūrmet» ordenımen, bölım meŋgeruşısınıŋ orynbasary Erbol Äbdırasylov – «Eren eŋbegı üşın» medalımen, bas konsultanttar Elmira Mūhametjanova jäne Bolat Omar Qazaqstan Respublikasynyŋ Qūrmet gramotasymen marapattaldy.
