تاۋەلسىزدىكتىڭ 30 جىلدىعىنا وراي تۇركىستان وبلىسى ارداگەرلەرىنىڭ ۇيىمداستىرۋىمەن سالتاناتتى جيىن ءوتتى،-دەپ حابارلايدى قازاقپارات.
تۇركىستان وبلىستىق قوعامدىق دامۋ باسقارماسىنىڭ باسشىسى اڭسار وسەرباەۆ كوپشىلىكتى مەرەكەمەن قۇتتىقتاپ، تاۋەلسىزدىك جىلدارىندا ەلىمىزدىڭ قول جەتكىزگەن تابىستارىنا توقتالىپ ءوتتى.
سونىمەن بىرگە، قارۋلى كۇشتەر ساپىندا قىزمەت ەتكەن، اۋعانستاندا، تاجىك-اۋعان شەكاراسىندا جانە وزگە دە اسكەري قيمىلدارعا ارالاسقان ساربازدار مەن ساردارلارعا قۇرمەت كورسەتىپ، مەرەكەلىك مەدالدار مەن وبلىس اكىمىنىڭ العىس حاتتارىن تاپسىردى.
جيىندا «قارۋلى كۇشتەرىنىڭ ارداگەرلەرى» رەسپۋبليكالىق قوعامدىق بىرلەستىگىنىڭ تۇركىستان وبلىستىق فيليالىنىڭ توراعاسى، پودپولكوۆنيك باباي الدابەرگەنوۆ تە اسكەريلەردى ۇلى مەرەكەمەن قۇتتىقتادى. سونداي-اق، جاس ۇرپاقتى وتانشىلدىققا تاربيەلەپ، اسكەري ومىرگە قىزىقتىرىپ، وتاندى قورعاۋ – ازاماتتىق بورىشتارى ەكەندىگىن ءتۇسىندىرۋ كەرەكتىگىن جەتكىزدى.
