ازاتتىقتىڭ العاشقى قارلىعاشتارى - جەلتوقسان قاھارماندارى

1093
Adyrna.kz Telegram

تاۋەلسىزدىكتىڭ 30 جىلدىعى اياسىندا مەگاپوليستىڭ تۇركسىب اۋدانىندا، «جەلتوقسان» ساياباعىندا ەسكەرتكىش تاس قالاندى، دەپ حابارلايدى قازاقپارات.

شاراعا جەلتوقسان بىرلەستىگىنىڭ وكىلدەرى، قوعام قايراتكەرلەرى، اقىن-جازۋشىلار مەن الماتى قالاسى اكىمىنىڭ ورىنباسارى ەرجان باباقۇماروۆ قاتىستى. ەرجان باباقۇماروۆتىڭ ايتۋىنشا، «جەلتوقسان» ساياباعى بىلتىر اشىلدى. ال بۇگىن وسى جەردە مونۋمەنتتىڭ ىرگەتاسى قالاندى.

بۇل جەلتوقسان وقيعاسىنىڭ 35 جىلدىعىنا ورايلاستىرىلىپ وتىر. «تاۋەلسىزدىكتىڭ 30 جىلدىعىنا دايىندىقتى ءبىز ءبىر جىل بۇرىن باستاپ كەتتىك.

«جەلتوقسان» ساياباعىنىڭ ورنى مەن اتاۋى جەلتوقسان بىرلەستىكتەرىنىڭ وكىلدەرىمەن بىرگە انىقتالدى. الماتى اكىمى باقىتجان ساعىنتاەۆ مونۋمەنتتى ورناتۋ تۋرالى ءتيىستى شەشىم قابىلدادى. بۇل كۇن ءبىزدىڭ قالامىزدىڭ تاريحىنداعى ماڭىزدى وقيعا بولاتىنىنا سەنىمدىمىن»، - دەدى قالا اكىمىنىڭ ورىنباسارى. ەرجان باباقۇماروۆ جينالعانداردى كەلە جاتقان تاۋەلسىزدىك كۇنىمەن قۇتتىقتادى.

«ساياباقتىڭ اشىلۋى، بولاشاقتا ەسكەرتكىش ورناتۋ – بۇل جەلتوقسان باتىرلارىنا قۇرمەت قانا ەمەس، ولاردىڭ ەرلىكتەرىن ماڭگى ەستە ساقتاۋ، بولاشاق ۇرپاققا جەتكىزۋ. «جەلتوقسان» ساياباعى ۇلكەن ءارى وعان كەلەتىندەر دە كوپ بولادى – ونى اباتتاندىرۋ جۇمىستارى جالعاسۋدا. بۇرىن بۇل قاراۋسىز قالعان سكۆەر بولاتىن، ال ەندى قالا تۇرعىندارى جاڭا قوعامدىق كەڭىستىكتى ارالاي وتىرىپ، ءبىزدىڭ حالقىمىزدىڭ تاريحىمەن تانىسادى»، - دەپ اتاپ ءوتتى ول.

بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/almatyda-zheltoksan-eskertkishinin-irgetasy-kalandy_a3873508

پىكىرلەر