قازاقستان تاۋەلسىزدىگىنىڭ 30 جىلدىعىنا وراي «FORTE TRIO» مەملەكەتتىك تريوسى فرانتسيانىڭ ەڭ بەدەلدى كونتسەرت زالدارىندا كلاسسيكالىق مۋزىكا تۋىندىلارىن قويادى، دەپ حابارلايدى قازاقپارات.
«FORTE TRIO» مەملەكەتتىك تريوسى فرانتسيا قالالارىنا گاسترولدىك ساپارعا شىقپاقشى. قازاقستاندىق ۇجىم 15 جەلتوقساندا سortot ساحناسىندا، 16 جەلتوقساندا ميۋلۋزدەگى Theatre de la sinne ساحناسىندا، 17 جەلتوقساندا نانسيدەگى مەريا سارايىندا جانە 22 جەلتوقساندا ليونداعى «موliere» زالىندا كونتسەرت بەرەدى.
«ەۋروپا تىڭدارماندارىنا قازاقستاندىق كومپوزيتورلاردىڭ شىعارمالارى مەن باتىستىڭ كلاسسيكالىق مۋزىكاسىنان تاڭداۋلى تۋىندىلار ۇسىنىلادى»، - دەيدى ۇيىمداستىرۋشىلار. «FORTE TRIO» پيانيست، قازاقستاننىڭ ەڭبەك سىڭىرگەن قايراتكەرى تيمۋر ورمانشيەۆتىڭ جەتەكشىلىگىمەن ونەر كورسەتەتىن ەڭ تانىمال قازاقستاندىق كامەرالىق-اسپاپتىق انسامبل بولىپ سانالادى.
مۋزىكانتتار ۇشتىگى قر مادەنيەت جانە سپورت مينيسترلىگىنە قاراستى روزا باعلانوۆا اتىنداعى «قازاقكونتسەرت» مەملەكەتتىك كونتسەرت ۇيىمنىڭ قۇرامىندا جۇمىس ىستەيدى.
