تاۋەلسىزدىك كۇنى: الماتىدا ميتينگ ءوتىپ، ينتەرنەت جەلىلەرى ءوشتى

3385

الماتىدا كۇندىزگى ساعات 11-دەن وتە بەرە رەسپۋبليكا الاڭى اۋماعىندا ينتەرنەت ءوشتى. الاڭدى باقىلاعان پوليتسەيلەر قاراسى كوبەيدى، دەپ حابارلايدى “ادىرنا” ۇلتتىق پورتالى ازاتتىق راديوسىنا سىلتەمە جاساپ.

بۇعان دەيىن الاڭ ەكى جاعىنان: جەلتوقسان مەن نازارباەۆ كوشەسى جاعىنان جابىلعان بولسك كۇندىزگى 11-گە قاراي جابىلعان اۋماق كولەمى ۇلعايا ءتۇستى. ازاتتىق تىلشىلەرىنىڭ حابارلاۋىنشا، قازىر الاڭ ورنالاسقان ساتباەۆ كوشەسى باتىسىندا – ناۋرىزباي باتىر، شىعىسىندا - نازارباەۆ، جوعارى جاقتان – تەميريازەۆ پەن تومەنگى جاقتا اباي كوشەلەرى جاعىنان بەكىتىلگەن. الاڭدا شامامەن ەلۋ شاقتى ادام ءجۇر. جەلتوقسان كوشەسىنەن تومەن قاراي اۆتوزاكتار تۇر.

ماسكا تاعىپ، بەت ءجۇزىن جاسىرعان "بەلگىسىز" ازاماتتار الاڭدا جۇرگەندەردى ۆيدەوعا ءتۇسىرىپ ءجۇر.

مۇندا تاڭەرتەڭ قالا اكىمى باقىتجان ساعىنتاەۆ قاتىسقان رەسمي شارا وتكەن.

بۇعان دەيىن تىركەلمەگەن دەموكراتيالىق پارتيا جانە "قازاقستاننىڭ دەموكراتيالىق تاڭداۋى" قوزعالىسى (نۇر-سۇلتان سوتى قدت-نى "ەسترەميستىك ۇيىم" دەپ تانىعانمەن ەۋروپارلامەنت "بەيبىت وپپوزيتسيالىق ۇيىم" دەپ اتاعان) جاقتاستارىن 16 جەلتوقسان ميتينگىگە شاقىرعان. ميتينگ ورنى رەتىندە جەلتوقسان قۇرباندارىن ەسكە الۋ مەموريالىن اتاعان.

16 جەلتوقسان — قازاقستان تاۋەلسىزدىگى كۇنى. بۇل كۇن قازاقستاننىڭ جاڭا تاريحىندا تاعى ەكى وقيعامەن بايلانىستى اتالادى. وسىدان 34 جىل بۇرىن ءدال وسى كۇنى كرەملدەگى بيلىكتىڭ گەننادي كولبيندى سوۆەتتىك قازاقستانعا باسشى ەتىپ تاعايىنداعاننان كەيىن قازاق جاستارى الماتىنىڭ ورتالىق الاڭىنا جينالىپ، نارازىلىق تانىتقان. سوۆەت بيلىگى جاستاردىڭ بەيبىت ميتينگىسىن كۇش قولدانىپ، باسىپ-جانشىعان. ميتينگىدەن كەيىن جۇزگە جاۋاپقا تارتىپ، سوتتاعان، جۇمىستان شىعارعان.

“ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket