سەمەي اكىمى باقىتجان باياحمەتوۆ شاھاردىڭ قىسقى بەزەندىرۋ ماسەلەسى قارالعان جيىندا قالالىق ساۋلەت ءبولىمىنىڭ باسشىسىن سىنعا الدى، دەپ حابارلايدى "ادىرنا" ۇلتتىق پورتالى.
Aikyn.kz سايتىنىڭ مالىمەتىنشە، ءبولىم باسشىسى بەزەندىرۋ جۇمىستارى ەكى باعىتتا ەل تاۋەلسىزدىگىنىڭ 30 جىلدىعى مەن جاڭا جىلعا ارنالىپ جۇرگىزىلەتىنىن حابارلاعان.
«تۇڭعىش پرەزيدەنت جانە تاۋەلسىزدىك كۇنىنە وراي كوشەلەردى بەزەندىرۋ تۋرالى بىردە-ءبىر ءسوز جوق. قىسقى بەزەندىرۋدىڭ ەسكيزدىك جوبالارى بەكىتىلمەگەن، سمەتالىق قۇجاتتاما ازىرلەنبەگەن. بىردە-ءبىر جوبا قارجىلىق تۇرعىدان بەكىتىلمەگەن»،- دەگەن باقىتجان باياحمەتوۆ ساۋلەت جانە قالا قۇرىلىسى ءبولىمىنىڭ قىزمەتىن سىلبىر دەپ باعالاپ، ءبولىم باسشىسىنا قاتىستى جۇمىسقا نەمقۇرايلى قاراعانى ءۇشىن اكىمشىلىك جازالاۋ شارالارى قابىلداناتىن ايتتى.
"ادىرنا" ۇلتتىق پورتالى
