تاۋەلسىزدىگىمىزدىڭ 30 جىلدىعىن مەرەكەلەۋ قارساڭىندا ءبىلىم سالاسىندا ەڭبەك ەتىپ كەلە جاتقان بىرقاتار ۇلاعاتتى ۇستازدار ماراپاتتالدى.
سالتاناتتى جيىندا شىمكەنت قالاسى اكىمىنىڭ ءبىرىنشى ورىنباسارى ش.مۇقان ۇستازدار قاۋىمىن مەرەيلى مەرەكەمەن قۇتتىقتاپ، ءبىلىمدى ۇرپاق تاربيەلەۋدە جانە ءۇشىنشى قالاداعى ءبىلىم سالاسىنىڭ جان-جاقتى دامۋىنا قوسقان ۇلەستەرى مول ەكەندىگىن اتاپ ءوتتى.
وقۋشىلار سارايىندا وتكەن مەرەكەلىك جيىندا «ارمان» جەكەمەنشىك مەكتەپ-گيمنازياسىنىڭ ديرەكتورى رىسبەكوۆا ارداق قالىمبەكقىزى «ەرەن ەڭبەگى ءۇشىن» مەملەكەتتىك ناگراداسىمەن، تاۋەلسىزدىكتىڭ 30 جىلدىعى مەرەكەلىك مەدالىمەن 27 ۇستاز، قر ءبىلىم جانە عىلىم ءمينيسترىنىڭ قۇرمەت گراموتاسىمەن، توسبەلگىسىمەن، العىس حاتىمەن 14 ۇستاز ماراپاتتالدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
