قازاقستان رەسپۋبليكاسىنىڭ تاۋەلسىزدىگىنىڭ 30 جىلدىعى اياسىندا ونلاين فورماتتا وتكەن «ايبىن -2021» ءVىى رەسپۋبليكالىق اسكەري-پاتريوتتىق جاستار جيىنى ءوز مارەسىنە جەتتى.
قازان ايىندا باستالعان ءداستۇرلى اسكەري-پاتريوتتىق سايىسقا بيىلعى جىلى 74 كوماندا تىكەلەي ونلاين فورماتتا قاتىسىپ، سايىستىڭ بىرنەشە تۇرىنەن باق سىنادى.
«ايبىن» رەسپۋبليكالىق اسكەري-پاتريوتتىق جاستار جيىنى – بۇل ۇلتتىڭ قامى، بولاشاقتىڭ باياندى بولۋىنىڭ كەپىلى. وتانىمىز – باستى بايلىعىمىز. ونى قورعاۋ – ءار ازاماتتىڭ مىندەتى. وسى ورايدا پرەزيدەنتىمىز قاسىم جومارت توقاەۆ: «جاقسى داستۇرگە اينالعان «ايبىن» اسكەري-پاتريوتتىق جيىنى – وتانشىل جاستاردى ادال قىزمەت ەتۋگە، ەل قورعانى بولۋعا تاربيەلەيتىن بىرەگەي الاڭ» دەپ اتاپ كورسەتتى.
پاتريوتتىق جيىننىڭ شىمكەنت قالاسى بويىنشا جابىلۋ سالتاناتىنا قالا اكىمىنىڭ ءبىرىنشى ورىنباسارى ش.مۇقان، قالالىق ءبىلىم باسقارماسىنىڭ باسشىسى ج.تاجيەۆا، شىمكەنت قالاسىنىڭ قورعانىس ىستەرى جونىندەگى دەپارتامەنتىنىڭ وكىلدەرى مەن جەڭىمپاز اتانعان ءۇش پاتريوتتىق كلۋبتىڭ 45 مۇشەسى قاتىستى.
رەسپۋبليكالىق دەڭگەيدە وتكەن جارىستا شىمكەنت قالاسىنىڭ نامىسىن قورعاعان جاس ساربازدارىمىزدى جەڭىستەرىمەن قۇتتىقتايمىز!
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
