ەل تاۋەلسىزدىگىنىڭ 30 جىلدىعىنا وراي ءال-فارابي اتىنداعى قالالىق عىلىمي-امبەباپ كىتاپحاناسىندا ءتۇرلى سالادا ەڭبەك ەتكەن ارداگەرلەر باس قوستى. قالانىڭ وركەندەۋىنە ۇلەس قوسقان ەل اعالارىنا شىمكەنت قالاسى اكىمىنىڭ ءبىرىنشى ورىنباسارى ش. مۇقان «قر تاۋەلسىزدىگىنە 30 جىل» مەرەكەلىك مەدالىن تابىس ەتتى.
— ىنتىماق پەن بىرلىكتىڭ ارقاسىندا ەلىمىز وتپەلى كەزەڭنىڭ قيىندىقتارىن ءساتتى ەڭسەرىپ، دەربەس دامۋ مەن وركەندەۋ جولىنا ءتۇستى. سىزدەر تاۋەلسىزدىكتىڭ العاشقى جىلدارىنداعى ەڭ كۇردەلى كەزەڭدەردى، سىندارلى شاقتاردى باستان وتكىزدىڭىزدەر. وتپەلى كەزەڭنىڭ بارلىق اۋىرتپالىقتارىن كوتەرە بىلدىڭىزدەر! سول ارقىلى وسىنداي تاۋەلسىز ۇرپاقتىڭ قالىپتاسۋىنا جاعداي جاسادىڭىزدار! تاۋەلسىزدىك جىلدارىندا شىمكەنت قالاسى دا بۇكىل ەلىمىزبەن بىرگە دامۋ مەن وركەندەۋدىڭ جاڭا ساتىسىنا كوتەرىلگەنى بارشاعا ءمالىم. قاجىرلى ەڭبەكتەرىڭىز ارقىلى قالامىزدىڭ الەۋمەتتىك-ەكونوميكالىق دامۋىنا ۇلكەن ۇلەس قوستىڭىزدار! بۇگىن سىزدەرگە تابىس ەتىلىپ وتىرعان مەملەكەتتىك ناگرادالار مەن ماراپاتتار ەلگە سىڭىرگەن ەڭبەكتەرىڭىزگە بەرىلگەن لايىقتى باعا!- دەدى شىڭعىس جۇمابەكۇلى.
جيىن بارىسىندا مەملەكەت جانە قوعام قايراتكەرى ش. مىرزاحمەتوۆ جيىنعا كەلگەن ەل اعالارىن مەرەكەمەن قۇتتىقتادى.
ا. قۇلجانوۆ
سۋرەتتى تۇسىرگەن س. قوساەۆ
