Qazaqstan ۇلتتىق ارناسى تاۋەلسىزدىكتىڭ 30 جىلدىعىنا ەرەكشە سىي جاسادى. شىعارماشىلىق توپ 3 مىڭ ادامنىڭ قاتىسۋىمەن مەملەكەتتىك انۇرانعا بەينەبايان ءتۇسىردى، دەپ حابارلايدى "ادىرنا" پورتالى Stan.kz-كە سىلتەپ.
جوبا قازاقستان ازاماتتارىنىڭ پاتريوتتىق سەزىمىن كوتەرىپ، ەل مەن جەرگە سۇيىسپەنشىلىگىن ارتتىرۋ ماقساتىندا قولعا الىنعان.
كومپوزيتور سىرىم نابيكۋلوۆتىڭ ايتۋىنشا، ءانۇراندى ۇشكە ءبولۋ ۇتىمدى شەشىم بولعان.
ء"بىرىنشى بولىكتە ليريكاعا كوڭىل بولسەك، كەيىن ءداستۇرلى، فولكلورلىق مۋزىكاعا اۋىستىق. وسى ارقىلى ءوز تاريحىمىزعا قۇرمەت كورسەتكىمىز كەلدى. سوسىن ارينە، رەسمي - مارش بولىگى", - دەدى كومپوزيتور.
بەينەبايانعا قر ۇلتتىق قاۋىپسىزدىك كوميتەتى شەكارا قىزمەتى جانە قر ۇلتتىق ۇلانىنىڭ 180 ساربازى، "استانا وپەرا" مەملەكەتتىك وپەرا جانە بالەت تەاترى مەن نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ 120 ءارتىسى، "قازاقستان" تەلەراديوكورپوراتسياسىنىڭ 150 قىزمەتكەرى جانە ءوڭىر جاستارى، ستۋدەنتتەر، سالا ماماندارى مەن قاراپايىم ەل تۇرعىندارى قاتىستى.
ءتۇسىرىلىم جۇمىستارى نۇر-سۇلتان، الماتى، اقتاۋ، رۋحاني استانا- تۇركىستان قالالارىندا جۇرگىزىلىپ، نەگىزگى كورىنىسكە ەلورداداعى "قازاق ەلى" مونۋمەنتى، "استانا وپەرا" مەملەكەتتىك وپەرا جانە بالەت تەاترى، قازاقستان رەسپۋبليكاسىنىڭ ۇلتتىق مۋزەيى، "قازمەديا" ورتالىعى" تەلەراديوكەشەنى، الماتىداعى رەسپۋبليكا الاڭى، ءال-فارابي اتىنداعى قازاق ۇلتتىق ۋنيۆەرسيتەتى، "كوكتوبە" دەمالىس كەشەنى، تۇركىستانداعى "كەرۋەن ساراي" تۋريستىك كەشەنى، قوجا احمەت ياساۋي قورىق-مۇراجايى، كاسپي تەڭىزى مەن الماتى وبلىسىنىڭ شارىن شاتقالى، اقمولا وبلىسىنداعى بۋراباي ۇلتتىق پاركى جانە ماڭعىستاۋ وبلىسىنىڭ اقەسپە تاۋى الىندى.
ءانۇراندى ەل تۇرعىندارىمەن بىرگە وپەرا جانە ەسترادا انشىلەرى س.بايعوجين، ا. جىلتىركوزوۆ. ج.شىبىقباەۆ، ن.ۇسەنباەۆا، ە.ۆيتسينسكايا، ت.زابيروۆا، ا.بالاجانوۆا، م.سالىقوۆ، ك.تولەنباەۆا، و.التىنبەكوۆ، ب.قيلىمحان، م.اناربەك، ە.ناريمانۇلى ورىندادى.
سونىمەن بىرگە، بەينەبايانعا قر سىرتقى ىستەر مينيسترلىگىمەن بىرلەسە اقش، تۇركيا، رەسەي، قىتاي ەلىندە قىزمەت ەتىپ جانە ءبىلىم الىپ جۇرگەن ەل ازاماتتارى مەن وسى ەلدەردەگى قانداستار توپتاستىرىلدى.
بەينەبايان كورپوراتسياعا قاراستى "Qazaqstan", "Abai tv", "Balapan", "Qazsport" تەلەارنالارى مەن 14 ايماقتىق ارنا ەفيرىنەن 15 جەلتوقساننان باستاپ كۇن سايىن كورسەتىلەدى.
