ەگەمەندىك العان 30 جىل ۋاقىت ىشىندە ەلىمىز جوعارى جىلدامدىقپەن دامىپ، بۇرىن بولماعان جەتىستىكتەرگە قول جەتكىزدى. قازاقستاندى بۇكىل الەم تانىدى، بۇگىنگى ۇرپاقتىڭ بويىندا ەرتەڭگە دەگەن سەنىم، ناقتى ماقسات پايدا بولدى. ەل مەرەيىنىڭ اسقاقتاۋى ءۇشىن ەڭبەك سىڭىرگەن ۇلت كوشباسشىسى – نۇرسۇلتان نازارباەۆ.
استانا – پرەزيدەنتتىڭ جاسامپاز قولتۋماسى جانە قايتالانباس جاۋھارى. تاۋەلسىزدىك تۋى كوتەرىلگەن كۇردەلى جىلدار تۋرالى پرەزيدەنت ءوزىنىڭ «قازاقستان جولى» ەڭبەگىندە: «ءبىز استانانى نولدەن باستادىق. كوشىرۋ بارىسىندا بارلىق قيىندىقتاردى باستان وتكەردىك. بۇل بىزگە ارمان بولاتىن. ەندى كەرەمەت قالا، قازاقستاننىڭ جۇرەگى جانە ماقتانىشى» دەپ جازعان بولاتىن.
استانا – ساۋلەتى مەن داۋلەتى جىل ساناپ كەمەلدەنىپ كەلە جاتقان قالا. 20 جىلدىق تاريحي تويىن تويلاعان ارۋ استانا حالىقارالىق ماڭىزدى جيىنداردىڭ، سيمپوزيۋمدار مەن فورۋمداردىڭ ورداسىنا اينالدى.
قازاقستان ەلوردالى ەلگە اينالىپ، الەمدىك ارەنادا ورىن السا، بۇل ەلباسىنىڭ ەرەن ەڭبەگى.
