شىمكەنتتە وڭدەۋ ونەركاسىبىنىڭ بىرقاتار سالالارىندا ءوسۋ ديناميكاسىن بايقاۋعا بولادى

424

شىمكەنت قالالىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى بەرەكە دۇيسەبەكوۆ:

«كارانتيندىك رەجيم ىسكەر ازاماتتاردىڭ ءوز كاسىبىن دوڭگەلەتۋىنە اجەپتەۋىر قيىندىق كەلتىردى. بىراق، قول قۋسىرىپ قاراپ وتىرۋعا بولمايدى. ءبىرىنشى كەزەكتە ءبىز جۇمىس ورىندارىن ساقتاپ قالۋعا، جاڭا جوبالاردا مەيلىنشە جۇمىس ورنىنىڭ كوپ بولۋىنا باسا نازار اۋدارۋدامىز. سەبەبى، ءاربىر جۇمىسشى – ءبىر وتباسىنىڭ اسىراۋشىسى. قيىن جاعدايدا ءار ۇيگە از دا بولسا تابىس كىرىپ تۇرعانى الەۋمەتتىك جاعدايدى السىرەتىپ الماۋعا كەپىل بولا الادى.
پاندەميا سالدارىنان ەكسپورتتىڭ شەكتەلۋى، تۇتىنۋ نارىعىنىڭ كەڭ قانات جايا الماۋى وڭدەۋ ونەركاسىبى تاۋارلارىنا دەگەن سۇرانىستى ازايتقانى راس.
دەگەنمەن، شىمكەنتتە وڭدەۋ ونەركاسىبىنىڭ بىرقاتار سالالارىندا ءوسۋ ديناميكاسىن بايقاۋعا بولادى. مىسالى، فارماتسەۆتيكا ونەركاسىبى 66,1%-عا، ماشينا جاساۋ 38,6%-عا، تاماق ونەركاسىبى 18,4%-عا، وزگە مەتالل ەمەس مينەرالدىق ونىمدەردى ءوندىرۋ 10,3%-عا، مەتاللۋرگيا 2,6%-عا ءوستى. قر يندۋستريالىق-يننوۆاتسيالىق دامىتۋدىڭ 2020-2025 جىلدارعا ارنالعان مەملەكەتتiك باعدارلاماسىنىڭ وڭىرلىك كاسىپكەرلىكتى قولداۋ كارتاسى اياسىندا 366,9 ملرد. تەڭگەگە 5 مىڭنان اسا جاڭا جۇمىس ورنى مەن 45 جوبا 5 جىلدىققا ىسكە اسادى. ونىڭ ىشىندە بۇگىنگى تاڭدا 22 جوبا ىسكە قوسىلىپ، 1 مىڭنان اسا جاڭا جۇمىس ورنى اشىلدى».

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket