شىمكەنتتىڭ ءاربىر جەتىستىگى تاۋەلسىزدىكتىڭ ارقاسى

1374
Adyrna.kz Telegram

«اركىمدىكى وزىنە، اي كورىنەر كوزىنە» دەمەكشى، شىمكەنت ماعان اي دا، كۇن دە. ءتىپتى جۇلدىز دا. جۇرەگىممەن جاقسى كورەمىن. ەرەكشە، ادەمى قالا. وزىندە دە، ادامدارىندا دا جىلۋىلىق بار. قازاقيلىق ساقتالعان. مۇندا جىلدىڭ ءتورت مەزگىلى ءوز ۋاقىتىمەن كەلەدى، وتەدى. جانعا جايلى. ءومىر سۇرۋگە ىڭعايلى. شىمكەنتتەن ۇزاپ كەتسەم قايتقانشا اسىعامىن. مۇنداي سەزىم تەك مەنىڭ ەمەس، تالايلاردىڭ بويىنان تابىلارى ھاق. مىنە، 2200 جىلدىق تاريحى بار ەلىمىزدەگى ءۇشىنشى شاھار سوڭعى جىلدارى بۇرىنعىدان دا قۇلپىرا تۇسكەن. مەگاپوليس ستاتۋسىنا ساي وزگەرىستەر ورنىمەن، رەت-رەتىمەن بولىپ جاتىر. ارينە، كەشە عانا جەكە-دارا قالا رەتىندە وبلىستان ءبولىنىپ شىققانىنا كوپ ۋاقىت بولا قويعان جوق. دەسەك تە قالانىڭ باس جوسپارعا سايكەس دامۋى ءتاۋىر. كورە بىلگەنگە جۇمىس ءجۇرىپ جاتىر. ارينە، جۇمىس بار جەردە كەمشىلىك جوق ەمەس. بار. الايدا، جاقسى تۇستارىمىز تۋرالى كوبىرەك ءسوز قوزعاساق كەمشىلىكتەردىڭ ازايا تۇسەتىنى راس.

جالپى، شىمكەنتتىڭ، شىمكەنتتىكتەردىڭ ءاربىر جەتىستىگى، تابىسى مەن جەڭىسى تاۋەلسىزدىكتىڭ ارقاسى!
جايناي بەر شىمكەنت!

داۋرەن بولىس

پىكىرلەر