«Árkimdiki ózine, aı kóriner kózine» demekshi, Shymkent maǵan aı da, kún de. Tipti juldyz da. Júregimmen jaqsy kóremin. Erekshe, ádemi qala. Ózinde de, adamdarynda da jylýylyq bar. Qazaqılyq saqtalǵan. Munda jyldyń tórt mezgili óz ýaqytymen keledi, ótedi. Janǵa jaıly. Ómir súrýge yńǵaıly. Shymkentten uzap ketsem qaıtqansha asyǵamyn. Mundaı sezim tek meniń emes, talaılardyń boıynan tabylary haq. Mine, 2200 jyldyq tarıhy bar elimizdegi úshinshi shahar sońǵy jyldary burynǵydan da qulpyra túsken. Megapolıs statýsyna saı ózgerister ornymen, ret-retimen bolyp jatyr. Árıne, keshe ǵana jeke-dara qala retinde oblystan bólinip shyqqanyna kóp ýaqyt bola qoıǵan joq. Desek te qalanyń bas josparǵa sáıkes damýy táýir. Kóre bilgenge jumys júrip jatyr. Árıne, jumys bar jerde kemshilik joq emes. Bar. Alaıda, jaqsy tustarymyz týraly kóbirek sóz qozǵasaq kemshilikterdiń azaıa túsetini ras.
Jalpy, Shymkenttiń, shymkenttikterdiń árbir jetistigi, tabysy men jeńisi Táýelsizdiktiń arqasy!
Jaınaı ber Shymkent!
Dáýren Bolys
