شىمكەنتتە جىل باسىنان بەرى 35 مىڭنان استام ادام كوروناۆيرۋستان جازىلىپ شىقتى

3215
Adyrna.kz Telegram

شىمكەنت قالاسىندا جىل باسىنان بەرى 36 548 ادام كوروناۆيرۋس جۇقتىرعان بولسا، بۇگىندە 35 399 ناۋقاس ەمدەلىپ، ساۋىعىپ شىقتى. بۇگىنگە 92 ناۋقاس ەمدەلىپ جاتىر، ونىڭ ىشىندە ستاتسيوناردا 78 ناۋقاس، 14 ناۋقاس ءۇي جاعدايىندا امبۋلاتورلىق ەم قابىلداۋدا. وتكەن تاۋلىكتە COVID-19 ينفەكتسياسىن جۇقتىرۋدىڭ 5 جاعدايى تىركەلدى.

ەپيدەميولوگيالىق جاعدايدىڭ تۇراقتالۋىنا بايلانىستى قالادا 25 تامىزدان باستاپ 3677 توسەك-ورىن جابىلدى. قازىرگى تاڭدا توسەك-ورىن تولىمدىلىعى 20 پايىزدى قۇرايدى، 305 توسەك ورىن بوس. ال، جاڭساقتاۋ بولىمىندە 125 توسەك ورىن بار، وندا 9 ازامات ەم قابىلداۋدا، 116 توسەك ورىن بوس. تولىمدىلىق –7 پايىز.

سونىمەن بىرگە 36 ەمحانا جانىنان جاساقتالعان 211 ءموبيلدى بريگادا ءۇي جاعدايىندا ەم قابىلداپ جاتقان 14 ناۋقاسپەن كوروناۆيرۋس جۇقتىرعاندارمەن قارىم-قاتىناستا بولعان 228 ادامعا مەديتسينالىق قىزمەت كورسەتۋدە.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر