قازاقستان رەسپۋبليكاسىنىڭ تاۋەلسىزدىگىنىڭ 30 جىلدىعى اياسىندا بالالارعا ارنالعان اشىق ەسىك كۇنى «اسار» شاعىن اۋدانىندا ورنالاسقان شىمكەنت قالالىق كلينيكالىق اۋرۋحاناسىندا ۇيىمداستىرىلدى.
تاڭعى ساعات 9.00-دەن باستاپ 14.00 ارالىعىندا دارىگەرلەر جاس پاتسيەنتتەردى قابىلداپ، كەڭەس بەردى. قارالۋعا كەلگەن بالالاردىڭ كوڭىل-كۇيىن كوتەرۋ ءۇشىن ارنايى انيماتورلار مەن ەرتەگى كەيىپكەرلەرى شاقىرتىلعان. كوڭىلدەرى كوتەرىلگەن بالالار انالارىمەن بەيىندى مامانداردىڭ قابىلداۋىندا بولىپ، ۋدز مەن زەرتحانالىق تەكسەرۋلەردەن ءوتتى.
اشىق ەسىك كۇنى جالپى 150 دەن استام بالا قالالىق دەنساۋلىق ساقتاۋ باسقارماسىنىڭ شتاتتان تىس باس ماماندارىنىڭ، ياعني، ەپيلەپتولوگ، نەفرولوگ، كارديولوگ، تراۆماتولوگ دارىگەرلەرىنىڭ قابىلداۋىندا بولىپ، دياگنوستيكالىق جانە زەرتحانالىق تەكسەرۋلەردەن ءوتتى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى