ماڭعىستاۋ وبلىسىندا، قىزىلوردا وبلىسى ارال اۋدانىندا جەم-ءشوپتىڭ جوعىنان مال قىرىلىپ جاتقاندا قينالعان حالىققا ءشوپ جيناپ جونەلتىپ كومەك قولىن سوزعان تۇركىستاندىق ەرىكتى قۇرمەت تالاپقازى وڭتۇستىك قازاقستان ۋنيۆەرسيتەتىندە تەگىن وقيتىن بولدى، دەپ حابارلايدى "ادىرنا" ۇلتتىق پورتالى.
قۋانىشتى حاباردى تاۋەلسىز جۋرناليست دينا ەلگەزەك ءوز فب پاراقشاسىندا ءبولىستى.
- ۋرررراااا!!! ءسۇيىنشى! قۇرمەت تالاپقازى وڭتۇستىك قازاقستان ۋنيۆەرسيتەتىندە تەگىن وقيتىن بولدى! ءبىلىم جانە عىلىم ءمينيسترى اسحات ايماعانبەتوۆ مىرزا بۇگىن قۇرمەتتىڭ وزىمەن تەلەفون ارقىلى تىكەلەي سويلەسىپ، ماسەلەنى بىرنەشە ساعاتتا شەشىپ تاستاپتى! جانە وقۋدا جاقسى جەتىستىككە جەتۋىن تىلەپتى! مينيسترگە مىڭ العىس!!! قۇرمەتتىڭ تاعدىرىنا بەيجاي قاراماي، قۇرمەتتىڭ باسىنداعى جاعدايدى تىكەلەي مينيسترگە جەتكىزگەن حاليما تاجىقۇل باستاعان ارىپتەستەرىمە مىڭ العىس! ءومىر شىنىبەكۇلى سىزگە جەكە العىس بىلدىرەمىن! قوعامنىڭ قۇرمەتكە وسىلاي قۇرمەتىن ءبىلدىردى!، - دەپ جىلى لەبىزىن ءبىلدىردى دينا ەلگەزەك.
"ادىرنا" ۇلتتىق پورتالى
