وزبەكستان مەن اقش 2022 جىلدىڭ ءبىرىنشى جارتىجىلدىعىندا امەريكاندىق جانە وزبەكستاندىق ىسكەر توپتار وكىلدەرى ءۇشىن بيزنەس-فورۋم وتكىزەدى، دەپ حابارلايدى "ادىرنا" ۇلتتىق پورتالى.
تاشكەنتتە وزبەكستان پرەمەر-ءمينيسترىنىڭ ورىنباسارى، ينۆەستيتسيالار جانە سىرتقى ساۋدا ءمينيسترى ساردور ۋمۋرزاقوۆتىڭ اقش مەملەكەتتىك حاتشىسىنىڭ وڭتۇستىك جانە ورتالىق ازيا بويىنشا كومەكشىسى دونالد لۋ باستاعان اقش دەلەگاتسياسىمەن كەلىسسوزدەرىنىڭ قورىتىندىسى بويىنشا ءتيىستى كەلىسىمگە قول جەتكىزىلدى.
- كەزدەسۋ بارىسىندا وزبەك تاراپى اقش-قا وزبەكستاننىڭ دۇنيەجۇزىلىك ساۋدا ۇيىمىنا كىرۋ ماسەلەسىندە كورسەتكەن تەحنيكالىق جانە كونسۋلتاتسيالىق كومەگى ءۇشىن ريزاشىلىعىن ءبىلدىردى، - دەپ جازادى باسىلىم.
اڭگىمەلەسۋ بارىسىندا ينۆەستيتسيالىق ساياسات پەن مەملەكەتتىك قىزمەت كورسەتۋ سالاسىن تسيفرلاندىرۋ بويىنشا تەحنيكالىق كومەك جوباسىن ىسكە اسىرۋ پەرسپەكتيۆالارى دا قاراستىرىلدى.
"ادىرنا" ۇلتتىق پورتالى