جەلىدە قازاقستاننىڭ قىرعىزستانداعى ەلشىلىگى تاۋەلسىزدىك كۇنىن تويلاۋ كەزىندە تۇسىرىلگەن ۆيدەو قىزۋ تالقىلانىپ جاتىر، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەمە جاساپ.
16 جەلتوقسانعا وراي ەلشىلىكتە وتكەن رەسمي قابىلداۋدا قوناقتارعا ەت تاعامدارى، قازى-قارتا مەن باۋىرساقتان جاسالعان تاۋ مەن اعاش، سونداي-اق قازاقستان تۋى بەينەلەنگەن تورت ۇسىنىلعان.
- قىرعىزستاندا قازاقستان ەلشىلىگى ۇيىمداستىرعان قازاقستاننىڭ تاۋەلسىزدىك كۇنى تويلانىپ جاتىر. بۇل قازى-قارتادان جاسالعان الاتاۋ تاۋلارى. مىنە، باۋىرساقتان جاسالعان اعاش. مىنە، نۇرسۇلتان شىڭىنا 30 جىل. قانداي ونەر. جارايسىڭدار", - دەيدى ۆيدەو سىرتىنداعى داۋىس.
الايدا بۇل ۆيدەو قازنەتتى اشۋلاندىرىپ ۇلگەردى. قازاقستان ءسىم ءباسپاسوز قىزمەتى ۆيدەوعا قاتىستى پىكىر ءبىلدىردى.
- بۇل باسقا قابىلداۋلار سياقتى قاراپايىم باس قوسۋ. تەك بۇل كۇنى اسپاز ءار تاعامعا ءوز قيالىن قوسىپ، شىعارماشىلىقپەن دايىنداعان، - دەدى قازاقستان سىرتقى ىستەر مينيسترلىگىنىڭ ءباسپاسوز قىزمەتى وكىلدەرى.
كەيىن ەرەكشە تاعامداردىڭ اۆتورى قىرعىز اسپازشىسى تاشتانبەك ۋلۋ ىرىسكەلدي ەكەنى بەلگىلى بولدى.
"ادىرنا" ۇلتتىق پورتالى
