Jelide Qazaqstannyń Qyrǵyzstandaǵy elshiligi Táýelsizdik kúnin toılaý kezinde túsirilgen vıdeo qyzý talqylanyp jatyr, dep habarlaıdy "Adyrna" ulttyq portaly Tengrinews.kz-ke silteme jasap.
16 jeltoqsanǵa oraı elshilikte ótken resmı qabyldaýda qonaqtarǵa et taǵamdary, qazy-qarta men baýyrsaqtan jasalǵan taý men aǵash, sondaı-aq Qazaqstan týy beınelengen tort usynylǵan.
- Qyrǵyzstanda Qazaqstan elshiligi uıymdastyrǵan Qazaqstannyń Táýelsizdik kúni toılanyp jatyr. Bul qazy-qartadan jasalǵan Alataý taýlary. Mine, baýyrsaqtan jasalǵan aǵash. Mine, Nursultan shyńyna 30 jyl. Qandaı óner. Jaraısyńdar", - deıdi vıdeo syrtyndaǵy daýys.
Alaıda bul vıdeo Qaznetti ashýlandyryp úlgerdi. Qazaqstan SIM baspasóz qyzmeti vıdeoǵa qatysty pikir bildirdi.
- Bul basqa qabyldaýlar sııaqty qarapaıym bas qosý. Tek bul kúni aspaz ár taǵamǵa óz qııalyn qosyp, shyǵarmashylyqpen daıyndaǵan, - dedi Qazaqstan Syrtqy ister mınıstrliginiń baspasóz qyzmeti ókilderi.
Keıin erekshe taǵamdardyń avtory qyrǵyz aspazshysy Tashtanbek ýýlý Yryskeldı ekeni belgili boldy.
"Adyrna" ulttyq portaly
