قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا شىمكەنت قالاسىنىڭ اكىمى مۇرات ايتەنوۆ قالانىڭ دەنساۋلىق ساقتاۋ سالاسىنداعى باستى ماقسات – قىزمەت ساپاسىن ارتتىرۋ ەكەنىن ايتتى.
«جولداۋدا پرەزيدەنت مەديتسينا سالاسىنىڭ ينفراقۇرىلىمىن جاقسارتۋدى تاپسىردى. بۇل باعىتتا سوڭعى 2 جىلدا مەديتسينا مەكەمەلەرىنىڭ ماتەريالدىق-تەحنيكالىق بازاسىن جاڭارتۋ دەڭگەيى 71,5 پايىزدان 81 پايىزعا جەتەتىن بولادى. ودان بولەك، مەملەكەتتىك مەديتسينالىق ۇيىمدار 100 پايىز جاڭادان كومپيۋتەرلىك تەحنيكامەن قامتاماسىز ەتىلدى. سونىمەن بىرگە، جەكە ينۆەستورلاردىڭ ەسەبىنەن 5 مەديتسينا جانە پەت/كت ساۋلەلى تەراپيا ورتالىقتارى اشىلادى. قازىرگى تاڭدا ەكى ەمحانانىڭ قۇرىلىسى، №1-ءشى اۋرۋحاناداعى ترانسپلانتاتسيا ورتالىعىن جاڭارتۋ جۇمىستارى جۇرگىزىلۋدە»،-دەدى م.ايتەنوۆ.
بريفينگ بارىسىندا قالا اكىمى بيىلعى جىلى 1000 ورىندىق كلينيكانىڭ قۇرىلىسىن باستاۋ ءۇشىن، جەرگىلىكتى بيۋدجەتتەن ينجەنەرلىك ينفراقۇرىلىمىن تارتۋعا 835 ملن. تەڭگە ءبولىنىپ، قۇرىلىس جۇمىستارى باستالعانىن اتاپ ءوتتى.
شىمكەنت قالاسى اكىمدىگىنىڭ ءباسپاسوز قىزمەتى
