شىمكەنتتىڭ ونەركاسىپ سالاسىندا ەسەپتى كەزەڭدە 500-دەن استام جاڭا جۇمىس ورنى اشىلىپ، جاڭادان 10 كاسىپورىن اشىلعان. بۇل جونىندە قالا اكىمى مۇرات ايتەنوۆ ورتالىق كوممۋنيكاتسيالار قىزمەتىندە وتكەن بريفينگتە ءمالىم ەتتى.
«مەملەكەت باسشىسى جولداۋدا 2025 جىلعا قاراي وڭدەۋ ونەركاسىبىنىڭ ەكسپورتىن 1,5 ەسەگە كوبەيتۋدى تاپسىردى. وسىعان وراي، قالادا جاڭادان 2 يندۋستريالدى ايماق اشۋ جۇمىستارى باستالدى. ءبىرىنشىسى – «جۇلدىز» يندۋستريالدى ايماعى. قازىر ينجەنەرلىك ينفراقۇرىلىم جۇيەلەرى سالىنۋدا. مۇندا قۇرىلىس، مەتاللۋرگيا، فارماتسەۆتيكا، جيھاز ونەركاسىبى شوعىرلانادى. ايماقتا شامامەن 200 ملرد. تەڭگەگە 60 ءىرى كاسىپورىندار اشىلادى. ينۆەستورلار تاراپىنان قىزىعۋشىلىق جوعارى. بۇگىننىڭ وزىندە 100 ملرد. تەڭگەگە 25 ينۆەستيتسيالىق جوبالاردىڭ پۋلى جاساقتالدى. ەكىنشىسى – «ستاندارت» جەكە يندۋستريالدى ايماعى. شاعىن جانە ورتا بيزنەس سۋبەكتىلەرىن شوعىرلاندىرادى. زاماناۋي قويمالار، شاعىن وندىرىستىك تسەحتار اشىلادى. مۇندا 180 ملرد. تەڭگەنى قۇرايتىن 30 جوبا ىسكە اسىپ، 4,5 مىڭ ادام جۇمىسپەن قامتىلادى»،- دەدى شاھار باسشىسى.
اتقارىلعان جۇمىستاردىڭ ناتيجەسىندە، شيكىزاتتىق ەمەس ەكسپورت كولەمىن 2021 جىلعى 450 ملن. اقش دوللارىنان 2025 جىلى 700 ملن. اقش دوللارعا جەتكىزۋ نەمەسە 1,5 ەسەگە ۇلعايتۋ كوزدەلۋدە.
بۇل باعىتتا بەس جىلدا شيكىزات ەمەس سەكتوردا 608 ملرد. تەڭگەگە جاڭادان 62 جوبا ىسكە اسادى، جەڭىل ونەركاسىپ، فارماتسەۆتيكا، تاماق ءوندىرىسى، حيميا، ماشينا جاساۋ ونەركاسىبى سالالارىندا 30 ءونىم تۇرلەرى ەكسپورتتالادى جانە ءونىم شىعارۋ گەوگرافياسى قازىرگى 15 ەلدەن 2025 جىلى 25 ەلگە جەتكىزىلەدى.
شىمكەنت قالاسى اكىمدىگىنىڭ ءباسپاسوز قىزمەتى
