Shymkenttiń ónerkásip salasynda esepti kezeńde 500-den astam jańa jumys orny ashylyp, jańadan 10 kásiporyn ashylǵan. Bul jóninde qala ákimi Murat Áıtenov Ortalyq kommýnıkaııalar qyzmetinde ótken brıfıngte málim etti.
«Memleket basshysy Joldaýda 2025 jylǵa qaraı óńdeý ónerkásibiniń eksportyn 1,5 esege kóbeıtýdi tapsyrdy. Osyǵan oraı, qalada jańadan 2 ındýstrıaldy aımaq ashý jumystary bastaldy. Birinshisi – «Juldyz» ındýstrıaldy aımaǵy. Qazir ınjenerlik ınfraqurylym júıeleri salynýda. Munda qurylys, metallýrgııa, farmaevtıka, jıhaz ónerkásibi shoǵyrlanady. Aımaqta shamamen 200 mlrd. teńgege 60 iri kásiporyndar ashylady. Investorlar tarapynan qyzyǵýshylyq joǵary. Búginniń ózinde 100 mlrd. teńgege 25 ınvestıııalyq jobalardyń pýly jasaqtaldy. Ekinshisi – «Standart» jeke ındýstrıaldy aımaǵy. Shaǵyn jáne orta bıznes sýbektilerin shoǵyrlandyrady. Zamanaýı qoımalar, shaǵyn óndiristik ehtar ashylady. Munda 180 mlrd. teńgeni quraıtyn 30 joba iske asyp, 4,5 myń adam jumyspen qamtylady»,- dedi shahar basshysy.
Atqarylǵan jumystardyń nátıjesinde, shıkizattyq emes eksport kólemin 2021 jylǵy 450 mln. AQSh dollarynan 2025 jyly 700 mln. AQSh dollarǵa jetkizý nemese 1,5 esege ulǵaıtý kózdelýde.
Bul baǵytta bes jylda shıkizat emes sektorda 608 mlrd. teńgege jańadan 62 joba iske asady, jeńil ónerkásip, farmaevtıka, tamaq óndirisi, hımııa, mashına jasaý ónerkásibi salalarynda 30 ónim túrleri eksporttalady jáne ónim shyǵarý geografııasy qazirgi 15 elden 2025 jyly 25 elge jetkiziledi.
Shymkent qalasy ákimdiginiń baspasóz qyzmeti
