بيىل 11 ايدا ەلىمىزدە قۇرىلىس سالاسىنا ينۆەستيتسيا تارتۋ 2,1 ەسەگە ارتقان. بۇل تۋرالى ۇكىمەت وتىرىسىندا قر ۇلتتىق ەكونوميكا ءمينيسترى اسەت ەرعاليەۆ باياندادى.
ءمينيستردىڭ ايتۋىنشا، ينۆەستيتسيالار قۇرىلىس سالاسىندا – 2,1 ەسەگە، وڭدەۋ ونەركاسىبىندە – 50,5, اۋىل شارۋاشىلىعىندا – 40,5, ساۋدادا – 34,2, جىلجىمايتىن مۇلىكپەن وپەراتسيالار سالاسىندا – 18,6 جانە قارجى سالاسىندا 14,2 پايىزعا وسكەن.
«وڭىرلەر اراسىندا ەڭ جوعارعى كورسەتكىش شىمكەنت، الماتى قالالارىندا، سونداي-اق اقتوبە جانە پاۆلودار وبلىستارىندا بايقالۋدا»،- دەدى. بارلىق كورسەتكىشتەر بويىنشا وڭ ءوسۋ 7 وڭىردە – الماتى، شىعىس قازاقستان، جامبىل، ماڭعىستاۋ جانە پاۆلودار وبلىستارىندا، سونىمەن بىرگە شىمكەنت جانە نۇر-سۇلتان قالالارىندا تىركەلگەنىن مالىمدەدى.
اتاپ ايتساق، شىمكەنتتە 11 ايدا ءوندىرۋشى سالالارداعى ينۆەستيتسيالىق بەلسەندىلىك 55,2 پايىزعا ارتقان. تۇرعىن ءۇيدى پايدالانۋعا بەرۋ دە 63,6 پايىزعا وسكەن. بۇل ەكى سانات بويىنشا شىمكەنت رەسپۋبليكادا كوش باستاپ تۇر. ال، قۇرىلىس سەكتورىندا ءوسۋ قارقىنى بويىنشا العاشقى بەستىكتە.
شىمكەنت قالاسى اكىمدىگىنىڭ ءباسپاسوز قىزمەتى
