ح.ءالىمجان اتىنداعى №85 جالپى ورتا ءبىلىم بەرەتىن مەكتەپتە وفلاين فورماتتا 5-6 سىنىپ وقۋشىلارى اراسىندا رەسپۋبليكالىق وليمپيادانىڭ ءۇشىنشى (قالالىق) كەزەڭى ءوتتى.
جالپى ءبىلىم بەرەتىن پاندەر بويىنشا وتكەن وليمپيادانىڭ ماقساتى - وقۋشىلاردىڭ شىعارماشىلىق قابىلەتتەرىن جانە تانىمدىق قىزمەتكە قىزىعۋشىلىعىن انىقتاۋ جانە دامىتۋ، دارىندى بالالاردى قولداۋ ءۇشىن قاجەتتى جاعدايلار جاساۋ.
تەست فورماتىندا وتكەن وليمپياداعا 107 جالپى ءبىلىم بەرۋ ۇيىمىنان 328 وقۋشى ءوتىنىم بەرىپ، ناتيجەسىندە 310 وقۋشى قاتىستى.
وقۋشىلار اراسىندا وتكەن رەسپۋبليكالىق وليمپيادا كەلەسى پاندەر بويىنشا ۇيىمداستىرىلدى. ولار:
- ماتەماتيكا
- جاراتىلىستانۋ
- قازاق ءتىلى
- ادەبيەت
- ورىس ءتىلى مەن ادەبيەتى
- قازاق تىلىندە وقىتاتىن سىنىپتارداعى ورىس ءتىلى
- ورىس تىلىندە وقىتاتىن سىنىپتارداعى قازاق ءتىلى، اعىلشىن ءتىلى
- اعىلشىن ءتىلى
- قازاقستان تاريحى
مەكتەپ بازاسىندا وتكەن وليمپيادا دا بارلىق سانيتارلىق-ەپيدەميولوگيالىق نورمالار ساقتالعان.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
