ەلىمىزگە تاۋەلسىزدىك سىيلاپ، ەگەمەندىككە قول جەتكىزىپ، ازاتتىق الىپ بەرگەن - «جەلتوقسان كوتەرىلىسى ». «جەلتوقسان - 1986» - 1731 جىلدان باستالعان ۇلت-ازاتتىق قوزعالىستىڭ قۇرامدى بولىگى، ونىڭ ازاتتىق پەن بوستاندىققا اپاراتىن ۇزاق جولىنىڭ بيىك ءبىر بەلەسى.
قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋگە ارنالعان "جۇلدىزدى 30 كۇن" مەرەكەلىك ءىس-شارالار جوسپارىنا ساي قازاق ەلىنىڭ تاريحىندا التىن ارىپتەرمەن جازىلعان قازاقتىڭ رۋحتى جاستارىنىڭ ەسىمىن دارىپتەۋ ماقساتىندا اباي اتىنداعى وككج مەن جاستار ورتالىعىمەن بىرلەسكەن م.مامەتوۆا اتىنداعى №35 جوببم وقۋشىلارىنىڭ جەلتوقسان وقيعاسىنىڭ 35 جىلدىعىنا وراي «جاس تولقىننىڭ قايسار رۋحى» تاقىرىبىنداعى كەشى بولىپ ءوتتى. بۇل كەشكە سول كەزدەگى ىزعارلى جەلتوقساننىڭ قاسىرەتىن سەزىنىپ، كۋا بولعان، قاتال ساياساتتىڭ شارپۋىنا ورانعان «جەلتوقسانشى اعالار » - قايرات ءاشىروۆ جانە مۇرات شەكەربەكوۆ قوناق رەتىندە شاقىرىلدى. قالتارىس ساتتە ەرلىكتەرى ەسكەرۋسىز قالىپ قوياتىن بۇگىنگى كۇننىڭ باتىرلارى ، سول كەزدەگى وقيعالار تۋرالى تەبىرەنە اڭگىمەلەپ بەردى جانە وقۋشىلاردىڭ قويعان سۇراقتارىنا جاۋاپ بەرە وتىرىپ، اڭگىمە ءوربىتتى. ءوز تاراپتارىنان قالىس قالماعان جاستار دا كەش قوناقتارىنا ارناپ ءان- كۇيلەرىن جانە ولەڭ جولدارىن مانەرلەپ وقىپ بەردى. اتالمىش تاقىرىپتى اشا ءتۇسۋ ماقساتىندا كىتاپ كورمەسى قويىلىپ ، كىتاپتار مەن ماقالالار تىزبەسى تانىستىرىلدى. كەش تانىمدى، اسەرلى ءوتىپ ،كەش سوڭىندا بەلسەندىلىك تانىتقان وقۋشىلار ماراپاتتالدى.
«جاس تولقىننىڭ قايسار رۋحى»
08.12.2021
1672
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз