قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا رەسپۋبليكالىق ماڭىزى بار قالالار مەن وبلىس اكىمدەرى ەلىمىزدەگى سانيتاريالىق-ەپيدەميولوگيالىق جاعداي تۋرالى باياندادى.
ۇكىمەت باسشىسى ۆاكتسينالاۋ جانە رەۆاكتسينالاۋ قارقىنىن كۇشەيتۋ قاجەتتىگىن ايتتى.
شىمكەنت قالاسىنا «Pfizer-BioNTech» ۆاكتسيناسىنىڭ 46 800 دوزاسى كەلگەن. كوروناۆيرۋستىق ينفەكتسياعا قارسى بۇل ۆاكتسينامەن ءتيىستى كونتينگەنتتىڭ 112 437 ادامدى ەگۋ جوسپارلاندى، ونىڭ ىشىندە 8 740 جۇكتى ايەلدەر (15-40 اپتا), 87 697 12-17 جاستاعى بالالار. سونداي-اق، قوسىمشا 16 314 بالا ەمىزەتىن ايەلدەردى ۆاكتسيناتسيالاۋ جوسپارلانۋدا.
وسى جىلدىڭ 15 قاراشاسىنان باستاپ 12-18 جاسقا دەيىنگى بالالار، جۇكتى جانە بالا ەمىزەتىن ايەلدەردى «Pfizer-BioNTech» ۆاكتسيناسىمەن ۆاكتسيناتسيالاۋ باستالدى. «Pfizer» ۆاكتسيناسىنىڭ ءبىرىنشى كومپونەنتىمەن 8 869 ادام ەگىلدى، 2-ءشى كومپونەنتىمەن 1 205 ادام ەگىلدى.
شىمكەنت قالاسىنىڭ تۇرعىندارىنا ۆاكتسينانىڭ ءۇشىنشى دوزاسىن ەنگىزۋ باستالدى، بۇگىنگە 7 354 ادام رەۆاكتسيناتسيالاندى. سونىمەن قاتار، تۇماۋعا (گريپپ) قارسى ۆاكتسينامەن 130 327 ادام قامتىلدى، بۇل 100 پايىزدى قۇرايدى.
بۇگىنگى تاڭدا شىمكەنت قالاسىندا ەپيدەميولوگيالىق جاعداي تۇراقتى.
شىمكەنت قالاسى اكىمدىگىنىڭ ءباسپاسوز قىزمەتى
