شىمكەنتتە «ءتىل - تاۋەلسىزدىك تۇعىرى» اتتى كونفەرەنتسيا ءوتتى

1543

قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويى قارساڭىندا شىمكەنتتە قالالىق تىلدەردى وقىتۋ-ادىستەمەلىك ورتالىعىنىڭ ۇيىمداستىرۋىمەن «ءتىل — تاۋەلسىزدىك تۇعىرى» اتتى عىلىمي-پراكتيكالىق كونفەرەنتسياسى ءوتتى.

وعان قوعام قايراتكەرى، ءتىل جاناشىرى ورازكۇل اسانعازى، م.اۋەزوۆ اتىنداعى وقۋ دوتسەنتى، فيلولوگيا عىلىمدارىنىڭ كانديداتى اقجول قالشابەك جانە وزگە دە ءتىل مارتەبەسى ءۇشىن ولشەۋسىز ەڭبەك ەتىپ جۇرگەن ازاماتتار مەن لينگۆيست ماماندار قاتىستى.

كونفەرەنتسيانى كىرىسپە سوزبەن باستاعان ورتالىق ديرەكتورىنىڭ مىندەتىن اتقارۋشى داۋرەن دۇيسەباەۆ كەلەسى تىلدەردى وقىتۋ مەكەمەسىندە جىل باسىنان بەرى 1200 ازامات ءدارىس العانىن، ورتالىقتا قازاق تىلىندە مەملەكەتتىك ءىس-قاعازدار جۇرگىزۋ، سونداي-اق ورىس پەن اعىلشىن تىلدەرى جانە لاتىن ءالفاۆيتى تەگىن ۇيرەتىلەتىنىن اتاپ ءوتتى. مۇنان وزگە مەكەمە ادىستەمەلىك وقۋ قۇرالدارىن ازىرلەۋمەن اينالىسادى. ورتالىق باسشىسىنىڭ ايتۋىنشا، ءتىل سالاسىنا قاتىستى ءىس-شارالار قر ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسى شەڭبەرىندە ىسكە اسىرىلۋدا. سونىمەن بىرگە كەلەسى جىلى اتالمىش مەكەمەنىڭ قۇرىلعانىنا 25 جىل تولماق. وسىعان وراي ورتالىق ارنايى دايىندىق جۇمىستارىنا كىرىسۋدە.

ءوز كەزەگىندە قوعام قايراتكەرى ورازكۇل اسانعازى تاۋەلسىزدىكتىڭ ەلگە بەرگەن ءۇش جەمىسىن اتاپ ءوتتى. ول مەملەكەتتىك ءتىلدىڭ ءوز تۇعىرىنا قونۋى جانە الاشتىڭ زيالى ازاماتتارى ارمانداپ كەتكەن ەلدىڭ ەكونوميكالىق جەتىستىگى مەن حالىق سانىنىڭ ءوسۋى.
— ەگەمەندىك تۇسىندا قازاق ءتىلى كەڭ قۇلاش جايدى. مەملەكەتتىك ءتىل شىن مانىندە قولداۋ تاۋىپ، قوعامنىڭ بارلىق سالاسىنا ەندىرۋ ماسەلەسى قارقىندى تۇردە جۇرگىزىلدى. كسرو تۇسىندا شىمكەنتتىڭ وزىندە جالعىز عانا №7 قازاق ءتىلدى مەكتەپ بولدى. بۇرىنعى تسەلينوگراد قالاسىنا قىزمەت بابىمەن بارعان شاعىمدا 34 مەكتەپتىڭ ىشىندە بىرەۋسى عانا قازاق تىلىندە ءبىلىم بەرەتىن. بۇگىنگى تاڭدا قازاق ءتىلدى مەكتەپتەردىڭ سانى ورىسشا وقىتاتىن ءبىلىم وشاقتارىنان الدەقايدا اسىپ تۇستى. وسىنىڭ بارلىعىن تاۋەلسىزدىكتىڭ قازاق حالقىنا تارتقان ۇلكەن سىيى دەپ قابىلداۋ كەرەك، - دەدى قوعام قايراتكەرى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket