11 جەلتوقسان كۇنى «باقىتتى جانۇيا» ورتالىعىندا 45 كۇندىك تىگىن كۋرسىن وقىپ، جاڭا ماماندىق مەڭگەرىپ شىققان 8 كوپبالالى انالارعا سالتاناتتى تۇردە سەرتيفيكاتتار تابىستالدى.
وقۋ كۋرسى «ىزگىلىكتە جارىسايىق» قورىمەن بىرلەسە جۇرگىزىلىپ، اتالعان ۇكىمەتتىك ەمەس ۇيىمنىڭ 4 جىلدىق مەرەيتوي كەشىندە تىگىنشىلەرىمىز ارنايى كونتسەرتكە قاتىسىپ، ورتادا ماراپاتتالدى. ساحناعا تىگىنشى كەلىنشەكتەر وزدەرى تىككەن ۇلتتىق ناقىشتاعى كامزولدارىمەن شىعىپ، ءوز قولدارىنان شىققان ونىمدەرىن كوپشىلىككە تانىستىردى. ءتۇرلى كيىم ۇلگىلەرىن ءپىشىپ، تىگۋدى مەڭگەرىپ شىققان انالار بالالارىنا، وتباسىلارىنا ارناپ بارلىق كيىمدەردى تىگۋدى مەڭگەرىپ شىققاندارىن كورسەتىپ، كىشىگىرىم كورمە ۇيىمداستىردى.
«بالىق بەرمە قارماق بەر» دەگەن ناقىل ءسوزدىڭ سوقپاعىمەن كوپبالالى انالارعا كەلەشەكتە وسى يگەرگەن كاسىپتەرىن ءوز ۇيىندە وتىرىپ تا جالعاستىرۋعا مۇمكىندىك بەرىلدى.
