Tiginshilik kásibin meńgergen analarǵa sertıfıkat tabystaldy

2840
Adyrna.kz Telegram

11 jeltoqsan kúni «Baqytty januıa» ortalyǵynda 45 kúndik tigin kýrsyn oqyp, jańa mamandyq meńgerip shyqqan 8 kópbalaly analarǵa saltanatty túrde sertıfıkattar tabystaldy.

Oqý kýrsy «Izgilikte jarysaıyq» qorymen birlese júrgizilip, atalǵan úkimettik emes uıymnyń 4 jyldyq mereıtoı keshinde tiginshilerimiz arnaıy konertke qatysyp, ortada marapattaldy. Sahnaǵa tiginshi kelinshekter ózderi tikken ulttyq naqyshtaǵy kamzoldarymen shyǵyp, óz qoldarynan shyqqan ónimderin kópshilikke tanystyrdy. Túrli kıim úlgilerin piship, tigýdi meńgerip shyqqan analar balalaryna, otbasylaryna arnap barlyq kıimderdi tigýdi meńgerip shyqqandaryn kórsetip, kishigirim kórme uıymdastyrdy.

«Balyq berme qarmaq ber» degen naqyl sózdiń soqpaǵymen kópbalaly analarǵa keleshekte osy ıgergen kásipterin óz úıinde otyryp ta jalǵastyrýǵa múmkindik berildi.

Pikirler