11 jeltoqsan künı «Baqytty janūia» ortalyǧynda 45 kündık tıgın kursyn oqyp, jaŋa mamandyq meŋgerıp şyqqan 8 köpbalaly analarǧa saltanatty türde sertifikattar tabystaldy.
Oqu kursy «Izgılıkte jarysaiyq» qorymen bırlese jürgızılıp, atalǧan ükımettık emes ūiymnyŋ 4 jyldyq mereitoi keşınde tıgınşılerımız arnaiy konsertke qatysyp, ortada marapattaldy. Sahnaǧa tıgınşı kelınşekter özderı tıkken ūlttyq naqyştaǧy kamzoldarymen şyǧyp, öz qoldarynan şyqqan önımderın köpşılıkke tanystyrdy. Türlı kiım ülgılerın pışıp, tıgudı meŋgerıp şyqqan analar balalaryna, otbasylaryna arnap barlyq kiımderdı tıgudı meŋgerıp şyqqandaryn körsetıp, kışıgırım körme ūiymdastyrdy.
«Balyq berme qarmaq ber» degen naqyl sözdıŋ soqpaǧymen köpbalaly analarǧa keleşekte osy igergen käsıpterın öz üiınde otyryp ta jalǧastyruǧa mümkındık berıldı.
