مامين جاڭا قىزمەتكە تاعايىندالدى

4309
Adyrna.kz Telegram

12 جەلتوقساندا نۇر-سۇلتان قالاسىندا قازاقستان حوككەي فەدەراتسياسىنىڭ XIV رەسپۋبليكالىق كونفەرەنتسياسى ءوتتى. بۇل تۋرالى قحف ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.

وعان اتقارۋ كوميتەتىنىڭ مۇشەلەرى، وڭىرلىك فيليالداردىڭ، حوككەي كلۋبتارىنىڭ جانە بجسم باسشىلارى قاتىستى.

قحف پرەزيدەنتىنىڭ 2016-2021 جىلدار ارالىعىنداعى جۇمىس تۋرالى ەسەبى، فەدەراتسيانىڭ جارعىسى مەن ەرەجەسى، شتاتتىق قۇرىلىمى قارالدى، باسقارۋ جانە باقىلاۋ ورگاندارىنىڭ سايلاۋى وتكىزىلدى. كونفەرەنتسيا قاتىسۋشىلارىنىڭ ءبىراۋىزدان شەشىمىمەن اسقار مامين قازاقستان حوككەي فەدەراتسياسىنىڭ پرەزيدەنتى لاۋازىمىنا قايتا سايلاندى.

ا. مامين ءوز سوزىندە قازىرگى ۋاقىتتا ەرلەر اراسىنداعى الەمدىك رەيتينگتە قازاقستان كومانداسى 19-دان 13-ورىنعا كوتەرىلگەنىن اتاپ ءوتتى. وسى ۋاقىت ىشىندە قازاقستاندىق قۇراما كوماندالار 19 الەم چەمپيوناتىنا، قىسقى ازيا ويىندارىنا، ەكى قىسقى دۇنيەجۇزىلىك ۋنيۆەرسياداعا، وليمپيادا ىرىكتەۋ تۋرنيرلەرىنە قاتىسىپ، 14 مەدال جيىنتىعىن جەڭىپ الدى.

قحف پرەزيدەنتى حوككەي ليگالارىنىڭ، ونىڭ ىشىندە جاستار، ايەلدەر جانە اۋەسقوي ليگالاردىڭ جوعارى دامۋ قارقىنىن، چەمپيوندىق تيتۋل مەن قازاقستان رەسپۋبليكاسىنىڭ كۋبوگى ءۇشىن باسەكەلەستىكتىڭ ارتقانىن اتاپ ءوتتى.

«ادىرنا» ۇلتتىق پورتالى

پىكىرلەر