سەرىك جاراسباەۆ قر مادەنيەت جانە سپورت ۆيتسە-ءمينيسترى بولىپ تاعايىندالدى

1602
Adyrna.kz Telegram

قازاقستان رەسپۋبليكاسى مادەنيەت جانە سپورت جاڭا ۆيتسە-ءمينيسترى تاعايىندالدى. ول سەرىك جاراسباەۆ اتاندى، دەپ حابارلايدى "ادىرنا" ۇلتتىق پورتالى. 

قازاقستان رەسپۋبليكاسى ۇكىمەتىنىڭ قاۋلىسىمەن سەرىك ماراتۇلى جاراسباەۆ قازاقستان رەسپۋبليكاسى مادەنيەت جانە سپورت ۆيتسە-ءمينيسترى قىزمەتىنە تاعايىندالدى.
قازاقستان رەسپۋبليكاسى پرەمەر-ءمينيسترىنىڭ ءباسپاسوز قىزمەتى

سەرىك جاراسباەۆ 1984 جىلى سولتۇستىك قازاقستان وبلىسىندا دۇنيەگە كەلگەن. م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن،  رەسەي حالىقارالىق وليمپيادا ۋنيۆەرسيتەتىن بىتىرگەن.

ماماندىعى – دەنە شىنىقتىرۋ جانە سپورت، مەملەكەتتىك جانە جەرگىلىكتى باسقارۋ، سپورت باسقارماسى.

ەڭبەك جولى:

2006-2007 جىلدارى پەتروپاۆل قالاسىنداعى بالالار مەن جاسوسپىرىمدەر سپورت مەكتەبىندە بوكستان جاتتىقتىرۋشى، نۇسقاۋشى-سپورتشى بولىپ جۇمىس ىستەدى.

2007-2010 جىلدارى - سولتۇستىك قازاقستان وبلىسىنىڭ تۋريزم، دەنە شىنىقتىرۋ جانە سپورت باسقارماسىنىڭ باس مامانى، تاربيە جانە سپورت ءبولىمىنىڭ باسشىسى.

2011-2012 جج. قازاقستان رەسپۋبليكاسى تۋريزم جانە سپورت مينيسترلىگى سپورت كوميتەتىنىڭ عىلىمي-ادىستەمەلىك قامتاماسىز ەتۋ، يننوۆاتسيالىق تەحنولوگيالار جانە ءبىلىم باسقارماسىنىڭ ساراپشىسى، باس ساراپشىسى; سولتۇستىك قازاقستان وبلىسىنىڭ تۋريزم، دەنە شىنىقتىرۋ باسقارماسى باسشىسىنىڭ ورىنباسارى.

2012-2014 جىلدارى - قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ جوعارى جەتىستىكتەر سپورتى جانە سپورت رەزەرۆى دەپارتامەنتىنىڭ جازعى سپورت تۇرلەرى ديرەكتسياسىنىڭ باسشىسى، اگەنتتىكتىڭ جوعارى جەتىستىكتەر سپورتى جانە سپورت رەزەرۆى دەپارتامەنتىنىڭ ديرەكتورى.

2014-2018 جىلدارى قر مكقك سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى بولىپ جۇمىس ىستەدى.

2018-2019 جىلدارى قر مكقك سپورت جانە دەنە شىنىقتىرۋ ىستەرى كوميتەتىنىڭ توراعاسى قىزمەتىن اتقارعان.

2019-2021 جىلدارى - قر مكم سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى.

2021 جىلدىڭ ساۋىرىنەن قازىرگى ۋاقىتقا دەيىن – «قازاقستان كيورلينگ، سىرتتاعى كەرلينگ جانە پەتانگ فەدەراتسياسى» رەسپۋبليكالىق قوعامدىق ۇيىمىنىڭ ءبىرىنشى ۆيتسە-پرەزيدەنتى بولدى.

"ادىرنا" ۇلتتىق پورتالى

پىكىرلەر