Qazaqstan Respublikasy Mädeniet jäne sport jaŋa vise-ministrı taǧaiyndaldy. Ol Serık Jarasbaev atandy, dep habarlaidy "Adyrna" ūlttyq portaly.
Qazaqstan Respublikasy Ükımetınıŋ qaulysymen Serık Maratūly Jarasbaev Qazaqstan Respublikasy Mädeniet jäne sport vise-ministrı qyzmetıne taǧaiyndaldy. Qazaqstan Respublikasy Premer-Ministrınıŋ baspasöz qyzmetıSerık Jarasbaev 1984 jyly Soltüstık Qazaqstan oblysynda düniege kelgen. M.Qozybaev atyndaǧy Soltüstık Qazaqstan memlekettık universitetın, Resei halyqaralyq olimpiada universitetın bıtırgen. Mamandyǧy – dene şynyqtyru jäne sport, memlekettık jäne jergılıktı basqaru, sport basqarmasy. Eŋbek joly: 2006-2007 jyldary Petropavl qalasyndaǧy balalar men jasöspırımder sport mektebınde bokstan jattyqtyruşy, nūsqauşy-sportşy bolyp jūmys ıstedı. 2007-2010 jyldary - Soltüstık Qazaqstan oblysynyŋ turizm, dene şynyqtyru jäne sport basqarmasynyŋ bas mamany, tärbie jäne sport bölımınıŋ basşysy. 2011-2012 jj. Qazaqstan Respublikasy Turizm jäne sport ministrlıgı Sport komitetınıŋ ǧylymi-ädıstemelık qamtamasyz etu, innovasiialyq tehnologiialar jäne bılım basqarmasynyŋ sarapşysy, bas sarapşysy; Soltüstık Qazaqstan oblysynyŋ turizm, dene şynyqtyru basqarmasy basşysynyŋ orynbasary. 2012-2014 jyldary - Qazaqstan Respublikasy Sport jäne dene şynyqtyru ısterı agenttıgınıŋ Joǧary jetıstıkter sporty jäne sport rezervı departamentınıŋ Jazǧy sport türlerı direksiiasynyŋ basşysy, Agenttıktıŋ Joǧary jetıstıkter sporty jäne sport rezervı departamentınıŋ direktory. 2014-2018 jyldary QR MKQK Sport jäne dene şynyqtyru ısterı komitetı töraǧasynyŋ orynbasary bolyp jūmys ıstedı. 2018-2019 jyldary QR MKQK Sport jäne dene şynyqtyru ısterı komitetınıŋ töraǧasy qyzmetın atqarǧan. 2019-2021 jyldary - QR MKM Sport jäne dene şynyqtyru ısterı komitetı töraǧasynyŋ orynbasary. 2021 jyldyŋ säuırınen qazırgı uaqytqa deiın – «Qazaqstan kiorling, syrttaǧy kerling jäne petang federasiiasy» respublikalyq qoǧamdyq ūiymynyŋ bırınşı vise-prezidentı boldy.
"Adyrna" ūlttyq portaly
