مەملەكەت باسشىسى ءوز جولداۋىندا بالالاردىڭ سپورتتىق جانە شىعارماشىلىق الەۋەتىن دامىتۋعا ەرەكشە نازار اۋداردى. وسى رەتتە بيىل ون جىلدىعىن اتاپ وتكەلى وتىرعان شىمكەنت تسيرك مەكەمەسى قر تاۋەلسىزدىگىنىڭ 30 جىلدىعىنا جانە قر كونستيتۋتسيا كۇنىنە وراي ون ۇيىرمەنى ىسكە قوستى.
شاباندوز، اۋە گيمناستيكاسى، اكۆاگريم، كانات، يلليۋزيا، جونگليروۆانيە، مونوتسيكل، كلوۋن، اكروباتيكا جانە ۆەيل پوي دەنس (بي) ۇيىرمەلەرى ءوز جۇمىسىن باستادى. اشىق ەسىك كۇنىندە، ۇيىرمەگە كەلگەن بالالار تسيرك جانرلارىندا وزدەرىن بايقاپ كورىپ، بەيىمىنە قاراي توپتارعا ءبولىندى. جاتتىعۋ بارسىندا بالالارمەن جەكە جۇمىس ىستەلدى. اتا-انالارعا ۇيىرمەلەردىڭ ۋاقىتى ايتىلدى، الداعى ۋاقىتتاعى جوسپارلارى تۋرالى ءتۇسىندىرىلدى.
ۇيىرمەگە 5 - 15 جاس ارالىعىنداعى بالالار قاتىسا الادى. قاتىسۋشىلار تسيرك ونەرىن مەڭگەرە وتىرىپ، وزدىگىنەن ەڭبەك ەتۋگە، كورەرمەن الدىندا قىسىلماي ونەر كورسەتۋگە داعدىلانادى. بالالار تسيرك تاريحىمەن تانىسىپ، ءتۇرلى تريۋكتەردى ۇيرەنەدى.
تسيرك جانرلارىنىڭ ىشىنەن (اكروباتيكا، ەكۆيليبريستيكا، اۋە گيمناستيكاسى، كلوۋنادا، جانە ت.ب) وزىنە ۇناعانىنا بەيىمدەلىپ، مانەجدە جۇمىس ىستەۋدى مەڭگەرەدى.
