شىمكەنتتەگى №1 ارناۋلى الەۋمەتتىك قىزمەتتەر كورسەتۋ ورتالىعى كومەككە مۇقتاج، جاسى ون سەگىزدەن اسقان، I - II توپتاعى پسيحونەۆرولوگيالىق اۋرۋلارى بار مۇمكىندىگى شەكتەلى ازاماتتارعا 8 باعىت بويىنشا قىزمەت كورسەتەدى. قازىرگى تاڭدا ورتالىقتا 220-دان استام مۇمكىندىگى شەكتەۋلى جاندار بار.
بۇگىندە ورتالىق كوپفۋنكتسيونالدى كەرەۋەتتەر ارنايى قۇرالدارمەن قامتىلدى. بۇل جاڭادان ساتىپ الىنعان مەديتسينالىق كەرەۋەتتەر جىلجىتۋعا ىڭعايلى بولۋ ءۇشىن اياقتارى دوڭگەلەك تەجەۋمەن جابدىقتالعان.
ال كوپفۋنكتسيونالدى كەرەۋەتتىڭ باستى ەرەكشەلىكتەرى – ناۋقاستىڭ ىڭعايلىلىعى مەن جايلىلىعى، تازالاۋ مەن دەزينفەكتسيالاۋ جۇمىستارىنىڭ وڭتايلاندىرىلۋىندا. توسەكتى تازالاۋ، دەزينفەكتسيالاۋ ءۇشىن پالاتانىڭ ىشىنە ەش قيىندىقسىز جىلجىتۋعا بولادى. سونىمەن قاتار، توسەكتە پاتسيەنتتەرگە كۇتىم جاساۋعا ارنالعان اكسەسسۋارلاردىڭ ۇلكەن تاڭداۋى بار.
ايتا كەتۋ كەرەك، بارلىق تالاپتارعا ساي 110 ورىندىق جاڭا عيمارات 2017 جىلى قولدانۋعا بەرىلدى. وندا گالەرەيا، 2 پسيحولوگيالىق كومەك كورسەتۋ كابينەتى، دەفەكتولوگ كابينەتى، دارىگەرلەر، اكۋشەر-گينەكولوگيالىق كابينەت، ستوماتولوگيالىق كابينەت، جاڭا زاماناۋي تەحنيكالارمەن جابدىقتالعان 3 مەديتسينالىق بەكەت، 96 ورىندىق اسحانا، 2 ترەناجەرلىق زال، ىڭعايلى پاندۋس قويىلىپ، قولايلى جاعدايلار جاسالىنعان.
