شىمكەنتتىڭ فارماتسەۆتيكا ونەركاسىبى تۇتىنۋشىلارعا «حيمفارم» اق اتاۋىمەن بەلگىلى. 1882 جىلى قۇرىلعان الەمدەگى ەڭ كونە فارماتسەۆتيكالىق كاسىپورىنداردىڭ ءبىرى. كاسىپورىننىڭ ونىمدەرى Santo ساۋدا ماركاسىمەن شىعارىلادى.
2011 جىلى وندىرىسكە جاڭا ينۆەستور - ورتالىق جانە شىعىس ەۋروپا، كاۆكاز جانە ورتالىق ازيا نارىقتارىندا جۇمىس ىستەيتىن Polpharma حالىقارالىق فارماتسەۆتيكالىق توبىنىڭ كەلۋىمەن، كاسىپورىندا ءتيىستى وندىرىستىك پراكتيكا ساپاسىنىڭ حالىقارالىق ستاندارتتارىنا (GMP) سايكەس جاڭا وندىرىستىك قۋاتتاردى سالۋعا جانە جۇمىس ىستەپ تۇرعاندارىن جاڭعىرتۋعا باعىتتالعان كەڭ اۋقىمدى ينۆەستيتسيالىق جوبانى ىسكە اسىرا باستادى.
بۇگىنگى كۇندە SANTO كومپانياسى قازاقستانداعى جەتەكشى فارماتسەۆتيكالىق ءوندىرۋشى بولىپ تابىلادى جانە قىرعىزستان مەن وزبەكستاندا وكىلدىكتەرى بار. 2018 جىلدىڭ قورىتىندىسى بويىنشا IQVIA (Source: IQVIA databases. Retail, hospital (TRD Prices)) «حيمفارم» اق كومپانياسى قازاقستاننىڭ فارماتسەۆتيكالىق نارىعىنداعى كوشباسشىلار ۇشتىگىنە كىرەدى جانە بولشەك سەگمەنتتە ءبىرىنشى ورىندى يەلەندى.
«حيمفارم» اق كومپانياسىنىڭ وندىرىستىك قۋاتى يتالياندىق، نەمىس، وڭتۇستىك كورەيالىق جانە باسقا دا حالىقارالىق وندىرۋشىلەردىڭ دەڭگەيىنە سايكەس كەلەدى. كومپانيا جىل سايىن شىعارىلاتىن ونىمدەر پورتفەلىن كەڭەيتىپ وتىرادى. ولاردىڭ باسىم بولىگى ينەكتسيالىق، ينفۋزيالىق ەرىتىندىلەر جانە تابلەتكا تۇرىندە شىعارىلادى. SANTO كومپانياسىنىڭ پورتفەلىندە تەراپيانىڭ ءارتۇرلى سالالارىندا اۋرۋلاردى ەمدەۋگە ارنالعان 12 فارماكوتەراپيالىق توپتارداعى 240-تان استام گەنەريكالىق پرەپاراتتاردان تۇرادى.
SANTO-نىڭ وندىرىستىك قۋاتى جىل سايىن 193,8 ملن. ينەكتسيالىق امپۋلالار، 2,6 ملن. ينفۋزيا فلاكوندارىن، 7,7 ملن. ستەريلدەنبەگەن سۇيىق پەرورالدى دارىلىك زاتتار فلاكوندارىن، 35,4 ملن. تسەفالوسپورتين قاتارىنداعى انتيبيوتيكتەر فلاكوندارىن، 14 ملن. پەنەما/ميتسين قاتارىنداعى انتيبيوتيكتەر فلاكوندارىن، تىكەلەي پرەستەۋ ادىسىمەن 518 ملن. تابلەتكا جانە ىلعالدى تۇيىرشىكتەۋ ادىسىمەن 135 توننا تابلەتكا ماسساسىن وندىرۋگە مۇمكىندىك بەرەدى.
كومپانيا قازاقستاننىڭ فارماتسەۆتيكالىق يندۋسترياسىنداعى ەڭ ءىرى جۇمىس بەرۋشى بولىپ تابىلادى، ول 900-دەن استام ادامعا جۇمىس ورىندارىن ۇسىنادى.
