تۇركيادا كوروناۆيرۋس ينفەكتسياسىنىڭ وميكرون شتاممىن جۇقتىرۋدىڭ العاشقى جاعدايلارى انىقتالدى دەپ حابارلايدى "ادىرنا" ۇلتتىق پورتالى.
بۇل تۋرالى تۇركيانىڭ دەنساۋلىق ساقتاۋ ءمينيسترى فاحرەتتين كوجا حابارلادى.
ينفەكتسيانىڭ ءبىر جاعدايى ىستامبۇلدا، ال قالعان بەسەۋى ءيزميردىڭ باتىس پروۆينتسياسىندا تىركەلدى. دەنساۋلىق ساقتاۋ مينيسترلىگىنىڭ مالىمەتىنشە، جاڭا شتامم جۇقتىرعانداردىڭ ەشقايسىسى اۋرۋحاناعا جاتقىزۋدى قاجەت ەتپەيدى. سەبەبى وميكرون الدىڭعى شتامدارمەن سالىستىرعاندا ءالسىز بولىپ كەلەدى، سوندىقتان ناۋقاستار ەشقانداي پروبلەمالارسىز امبۋلاتوريالىق باقىلاۋعا الىندى.
"ازاماتتارىمىز تەك ساقتىق شارالارىن ودان ءارى جالعاستىرۋى كەرەك", - دەپ اتاپ ءوتتى كوجا.
سوڭعى تاۋلىكتە تۇركيادا 19 255 ادام كوروناۆيرۋسپەن اۋىرىپ، 191 ادام قايتىس بولدى. Covid-19 پاندەمياسى باستالعاننان بەرى ەلدە 9 ميلليوننان استام ازامات انىقتالدى.
"ادىرنا" ۇلتتىق پورتالى.
