شىمكەنت قالاسى ورتالىعىنان شالعايدا ورنالاسقان اۋماقتاردا 12 دارىگەرلىك امبۋلاتوريانىڭ سالىنۋى جوسپارلانىپ وتىر. بۇل تۋرالى قالا اكىمدىگىنىڭ ءباسپاسوز قىزمەتى مالىمدەدى.
شىمكەنت قالاسىنىڭ تۇرعىندارىنا 36 مەديتسينالىق ۇيىم قىزمەت كورسەتەدى. جىل باسىنان جاڭا 5 مەديتسينالىق ۇيىم اشىلىپ، دەنساۋلىق ساقتاۋ سالاسىندا مەملەكەتتىك-جەكەمەنشىك ارىپتەستىك بايلانىستار نازارعا الىندى. مەديتسينالىق ۇيىمداردىڭ ماتەريالدىق-تەحنيكالىق بازاسىن جاڭارتۋعا 9 ميلليارد تەڭگە ءبولىنىپ، جاڭارتۋ جۇمىستارى 71 پايىزدان 81 پايىزعا ءوستى.
بيىل 6 مەديتسينالىق ۇيىمنىڭ عيماراتتارى كۇردەلى جوندەۋدەن وتكىزىلسە، الداعى بەس جىل ىشىندە 10 مەديتسينالىق ۇيىمنىڭ قۇرىلىسى جوسپارلانعان. 2023 جىلعا دەيىنگى مەرزىمدە قالا ورتالىعىنان شالعايدا جاتقان اۋماقتاردا 12 دارىگەرلىك امبۋلاتوريا سالىناتىن بولادى.
