قازاقستان رەسپۋبليكاسىنىڭ تاۋەلسىزدىگى كۇنى قارساڭىندا ۇلتتىق قاۋىپسىزدىك ورگاندارىنىڭ قۇرىلعانىنا 30 جىل تولۋىنا وراي قر ۇقك شىمكەنت قالاسى بويىنشا دەپارتامەنتى شەكارا قىزمەتىنىڭ تۇركىستان وبلىسى بويىنشا دەپارتامەنتىمەن بىرلەسە وتىرىپ، «وتاندىق ارناۋلى قىزمەتتىڭ حرونيكالارى» جانە «مەملەكەتتىك شەكارا» كىتاپتارىنىڭ تۇساۋكەسەرىن وتكىزدى.
كىتاپتاردا ۇلتتىق قاۋىپسىزدىك كوميتەتىنىڭ قۇرىلۋى مەن مەملەكەتىمىزدىڭ شەكارا شەپتەرىن قورعاۋداعى نەگىزگى كەزەڭدەرى، اسكەري قىزمەتكەرلەردىڭ كۇندەلىكتى جۇمىسىنىڭ كۇردەلىلىگى مەن جان-جاقتىلىعى جايىندا، سونداي-اق، جەدەل قىزمەتكەرلەردىڭ ءومىرى مەن دەنساۋلىعىنا قاۋىپ توندىرگەن كۇردەلى وپەراتسيالار تۋرالى ايتىلعان.
باسىلىمدارعا قازىرگى ۋاقىتتا قۇپياسىزداندىرىلعان دەرەكتەر مەن جزبالار ەنگىزىلگەن. تىكەلەي قاتىسۋشىلاردىڭ ەموتسياسىمەن بايلانىستىرىلىپ، قاتاڭ دەرەكتى ستيلدە ۇسىنىلعان جازبا ناقتى ادامدارعا، وقيعالار مەن فاكتىلەرگە نەگىزدەلگەن.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
